قر ٸشكٸ ٸستەر مينيسترلٸگٸ ٷكٸمەت جانىنداعى جاسٶسپٸرٸمدەر ٸسٸ جەنە ولاردىڭ قۇقىقتارىن قورعاۋ جٶنٸندەگٸ ۆەدومستۆوارالىق كوميسسييانىڭ وتىرىسىن شۇعىل شاقىرۋعا باستاماشىلىق جاسادى, دەپ حابارلايدى "ۇلت اقپارات".
«ەلٸمٸزدٸڭ قىلمىستىق زاڭناماسىنا سەيكەس, اۋىرلىق تۋدىراتىن جاعدايدا جاسالعان بۇزاقىلىق ٷشٸن 14 جاسقا تولعان تۇلعا قىلمىستىق جاۋاپكەرشٸلٸككە (قر قك-نٸڭ 293-بابى 2-ٸنشٸ جەنە 3-تارماعى) تارتىلادى. جاسٶسپٸرٸمدەر توپتاسىپ ٶزدەرٸنٸڭ قۇرداستارىنا قاتىستى قۇقىققا قايشى ەرەكەت جاساعان كەزدە دەل وسى باپ بويىنشا قىلمىستىق ٶندٸرٸس اشىلادى. وسىعان بايلانىستى اتا-انالاردى, وقۋ ورىندارىنىڭ ۇستازدارىن جاسٶسپٸرٸمدەر اراسىنداعى قىلمىستىڭ الدىن الۋ ماقساتىندا بالالارعا قىلمىستىق جاۋاپكەرشٸلٸككە تارتىلاتىن جاسقا جەتكەندٸگٸ تۋرالى الدىن الا ەسكەرتٸپ, ويلانباي ٸستەلگەن ەرەكەتتٸڭ سوڭى نەگە ەكەپ سوعاتىن ايتۋعا شاقىرامىز», - دەدٸ قر ٸٸم ٸشكٸ جەنە سىرتقى كوممۋنيكاتسييالار دەپارتامەنتٸنٸڭ ديرەكتورى الماس سادۋباەۆ.
ونىڭ اتاپ ٶتۋٸنشە, مەكتەپ جىلدارىندا اڭداماي جاسالعان ەرەكەتتٸڭ سوڭى جاسٶسپٸرٸمنٸڭ بٷكٸل ٶمٸرٸنە تاڭبا تٷسٸرۋٸ مٷمكٸن.
«ٸشكٸ ٸستەر مينيسترلٸگٸ تٷركٸستان, قىزىلوردا, قاراعاندى جەنە اقتٶبە وبلىستارىندا ورىن العان جاعدايلاردى تالقىلاۋ جەنە ۇيىمداستىرۋ-تەجٸريبەلٸك شارالاردى ەزٸرلەۋ ٷشٸن بٸلٸم جەنە عىلىم مينيسترلٸگٸنە قر ٷكٸمەتٸ جانىنداعى جاسٶسپٸرٸمدەر ٸسٸ جەنە ولاردىڭ قۇقىقتارىن قورعاۋ جٶنٸندەگٸ ۆەدومستۆوارالىق كوميسسيياسىنىڭ وتىرىسىن شۇعىل شاقىرۋ تۋرالى ۇسىنىس ەنگٸزدٸ», - دەدٸ دەپارتامەنت باسشىسى.
ەسكە سالايىق, سوڭعى كٷندەرٸ ەرتٷرلٸ ٶڭٸردە بولعان وقۋشىلار اراسىنداعى ەلٸمجەتتٸك, تٶبەلەسكە قاتىستى ۆيدەولار جيٸ تاراي باستادى.
اتاپ ايتقاندا, تٷركٸستان قالاسىندا قاتارلاستارىنا ەلٸمجەتتٸك جاساعان وقۋشىلار ەرەكەتتەرٸن ۆيدەوعا تٷسٸرٸپ, ونى ەلەۋمەتتٸك جەلٸدە تاراتقان بولاتىن.
قىزىلوردا قالاسىندا مەكتەپ دەرەتحاناسىندا وقۋشىلار قۇرداستارىن ۇرىپ, ونى ۆيدەوعا تٷسٸرگەن. كەيٸن ولاردىڭ ەسٸمدەرٸ انىقتالىپ, بالالار 5 جىلعا دەيٸن باس بوستاندىقتارىنان ايىرىلۋى مٷمكٸن ەكەندٸگٸ حابارلاندى.
اقتٶبە وبلىسىندا دا وقۋشىلار اراسىنداعى تٶبەلەس جيٸلەپ كەتتٸ. كٷنٸ كەشە عانا شالقار قالاسىندا جاسٶسپٸرٸمدەر مۇز ايدىنىندا سٶزگە كەلٸسٸپ, ولاردىڭ بٸرٸ اۋرۋحانادا كٶز جۇمدى. وعان دەيٸن تاعى بٸر وقۋشى پىشاق جاراقاتىمەن اۋرۋحاناعا تٷسكەن ەدٸ. دارىندى بالالارعا ارنالعان مەكتەپ-ينتەرناتىندا بولعان تٶبەلەستەن كەيٸن دە, بٸر وقۋشى پىشاق جاراقاتىن الدى. 8-9 سىنىپتاردا وقيتىن ۇلدار اراداعى مەسەلەلەرٸن پىشاقپەن شەشپەك بولعان.
بۇدان بٶلەك, قاراعاندى وبلىسىندا بٸرقاتار جاسٶسپٸرٸم پيتستسەرييادا ورىن بەرمەگەنٸ ٷشٸن قۇرداستارىن سوققىعا جىقتى. ولاردىڭ ەسٸمدەرٸ انىقتالدى.
