Óńirlerdegi halyqty kómirmen qamtamasyz etý máselesi erekshe baqylaýda tur. Bul týraly QR Premer-Ministriniń orynbasary Roman Skliardyń depýtattar saýalyna jaýabynda aitylǵan, dep habarlaidy QazAqparat.
Jylytý kezeńiniń basynda kómir salasyndaǵy ýákiletti organ jergilikti atqarýshy organdardyń derekteri negizinde kommýnaldyq-turmystyq sektor jáne halyq úshin kómir ónimin tutynýdyń 2021 – 2022 jyldar kezeńine arnalǵan josparyn qalyptastyrdy. Jergilikti atqarýshy organdardyń aqparattary boiynsha kómir satatyn núktelerde kómir qory bar», - delingen Roman Skliardyń Májilis depýttary saýalyna bergen jaýabynda.
Onyń atap ótýinshe, óńirlerde kómirge qatysty dúrbeleń joq jáne tapshylyq týyndaǵany týraly aqparat túsken jaǵdaida osy óńirlerge kómir tiep-jóneltýdi ulǵaitý boiynsha shuǵyl is-sharalar qabyldanýda.
«Óńirlerdegi halyqty kómirmen qamtamasyz etý máselesi erekshe baqylaýda tur jáne kún saiynǵy ýákiletti organnyń, ákimdikterdiń, kómir óndirýshi kásiporyndardyń jáne «QTJ» AQ-nyń qatysýymen operativtik keńester ótkizý arqyly sheshimin tabýda», - dedi Úkimet basshysynyń orynbasary.
