Elimizdegi iri qaiyrymdylyq donory «Samruk-Kazyna Trust» qory «Samuryq-Qazyna» AQ Qoǵamdyq keńesine óz qyzmeti men 2022 jyly jumysynda engiziletin ózgerister týraly esep berdi.
«Samruk-Kazyna Trust» áleýmettik jobalardy damytý qory «Samuryq-Qazyna» AQ kompaniialar tobynyń qaiyrymdylyq qyzmetiniń biryńǵai operatory qyzmetin oryndaidy. Áleýmettik jáne meditsinalyq sektorlarda halyqqa kómek kórsetý, mádeni qoǵamdastyqty jáne adami áleýetti damytý, eńbek qatynastaryn nyǵaitý jáne qoǵamnyń turaqty damýyna investitsiialar, top kompaniialary qatysatyn óńirlerde áleýmettik investitsiialar baǵdarlamalaryn iske asyrý Qordyń basym baǵyttary sanalady.
«Samuryq-Qazyna» AQ óz qyzmetinde qoǵam aldyndaǵy áleýmettik jaýapkershilikti basty nazarda ustaidy. Máselen Qor kompaniialarynyń atynan áreket etetin «Samruk-Kazyna Trust» korporativtik qory ótken jyly jalpy somasy 7 mlrd teńgeden astam qarjyǵa 32 áleýmettik jobany iske asyrdy. Tiisti kómek arqyly biz jarty millionǵa jýyq adamdy qamtydyq», - dep atap ótti Qoǵamdyq keńestiń otyrysyn asharda «Samuryq-Qazyna» AQ Qoǵammen bailanys, áleýmettik-eńbek qatynastary jáne eńbekti qorǵaý jónindegi basqarýshy direktory Ǵibrat Aýǵanov.
2021 jyly «Samruk-Kazyna Trust» qory bilim berý, densaýlyq saqtaý, mádeniet salalaryn jáne buqaralyq sport, áleýmettik kásipkerlikti damytý, halyqtyń áleýmettik osal toptaryn qoldaý, óńirlerdi keshendi órkendetý bastamalaryn qoldady.
«Qordyń 2022 jylǵa arnalǵan Qaiyrymdylyq baǵdarlamasy 10 milliard teńgeni quraidy. Onyń ishinde búginde 4,18 mlrd teńgeniń 14 jobasy maquldandy. Áleýmettik jobalardy qarjylandyrýǵa ótinimder «Samruk-Kazyna Trust» saitynda ornalastyrylǵan qaiyrymdylyq kómek kórsetý erejesine sáikes úkimettik emes uiymdardan qabyldanady. Sonymen qatar, «Samuryq-Qazyna» kásiporyndary bar óńirlerde ózimiz jobalardy júzege asyrýǵa bastama kótere alamyz», - dedi eseptik sózinde «Samruk-Kazyna Trust» qorynyń bas direktory Alfiia Adieva.
Maquldanǵan jobalar arasynda aýtistik spektrdiń aýrýlary men mentaldi buzylystary bar balalarǵa arnalǵan 8 ortalyq qurý, damýy buzylǵan jáne olardyń týyndaý qaýpi bar balalarǵa erte diagnostikalyq jáne abilitatsiialyq kómek kórsetý boiynsha 13 erte aralasý ortalyǵyn qurý, sondai-aq Atyraýda erekshe balalarǵa tegin kómek kórsetý bastamasy bar.
«Samruk-Kazyna Trust» qory búginde Qazaqstannyń shalǵai eldimekenderine sapaly meditsinalyq kómek kórsetý maqsatynda «Járdem» jáne «Salamatty Qazaqstan» poiyzdaryn tabysty iske qosyp, «Basqarylatyn gipotermiia» innovatsiialyq jobasy aiasynda Qaraǵandyda 11 náresteniń ómiri qutqaryldy. Aldaǵy ýaqytta nárestelerdiń shetineýi men múgedektigin azaitý nietimen taǵy bes perinataldyq ortalyqty terapevtik keshendermen jabdyqtaý kózdelip otyr.
«Samuryq-Qazyna» qorynyń kásiporyndary bar óńirlerdi damytý aiasynda biyl Jańaózen qalasynyń 3 mektebin jihazben jáne interaktivti paneldermen jabdyqtalsa, otbasylyq aýla klýbtaryn demeý arqyly halyqtyń áleýmettik osal toptarynan shyqqan balalar úshin túrli sektsiialar uiymdastyrylýda. Shymkent qalasynda neiro-ortopediialyq buzýshylyqtary bar balalardy ońaltý qolǵa alynbaq. «Balalarǵa ómir syila», «Aýtizmdi jeńemiz!», «Jetim balalarsyz Qazaqstan» jobalary da jalǵasyn tappaq. Aǵa býyn ókilderine qamqorlyq tanytýda «Taǵylym» jáne «Jeńis» jobalary júrgizilip, aýyldyq jerlerdegi balalardy sportqa baýla «Batyr bolamyn!» jobasynyń arqasynda 20 sportzal ashylmaq. Budan basqa, «Samruk-Kazyna Trust» memlekettik tildiń kókjegin keńeitýde «Soyle» jobasyn qoldaýdy jón dep tapty.
«Biyldan bastap qaiyrymdylyq jobalaryn iske asyrý kezinde olardyń 30%-ynda Úkimet pen memlekettik organdardyń tapsyrmasyna kóńil bólinse, al 70%-ynda «Samuryq-Qazyna» AQ kompaniialary bar óńirlerdegi áleýmettik investitsiialar baǵdarlamalaryna basymdyq beriledi», - dep jetkizdi Alfiia Adieva.
Osylaisha «Samruk-Kazyna Trust» qory qyzmet baǵyttaryn ońtailandyryp, jobalardy qarjylandyrý jaiyn bekitetin Qamqorshylyq keńes quramyn keńeitýde. Sonymen birge, qor saity jańaryp, «Samuryq-Qazyna» AQ Qoǵamdyq keńesine esep berý turaqty jolǵa qoiylmaq.
2022 jylǵy naýryz aiynda iske qosylǵan +7 (7172) 57-68-98 jedel jeli nómirinde Qor qyzmetkerleri ótinimderdi qabyldaý qaǵidalaryn túsindirip, ÚEU tarapymen keri bailanys ornatýda. Osy oraida atap óterlik jait, halyqtyń kóp bóligin qamtyp, qaiyrymdylyq qyzmetin júieli túrde túrde júrgizý úshin jeke tulǵalar qarjylandyrylmaidy.
«Samruk-Kazyna Trust» qorynyń muraty: «Samuryq-Qazyna»AQ toby ornalasqan óńirlerge basa nazar aýdara otyryp, barsha halyqtyń áleýmettik-ekonomikalyq tynys-tirshiligin jaqsartýǵa járdemdesý.
