Qazaqstan men Reseidiń Óńiraralyq yntymaqtastyǵynyń XV forýmynda birqatar qujattarǵa qol qoiyldy, dep habarlaidy "Ult aqparat" Aqordaǵa silteme jasap.
Týrizmdi damytýdyń jańa tásilderi men úrdisterine arnalǵan forýmǵa eki eldiń óńirleri men oblystarynyń basshylary, salalyq memlekettik organdar men isker toptar ókilderi qatysty.
Qazaqstan Prezidenti is-sharaǵa qatysýshylar aldynda sóilegen sózinde bul forým tiimdi memleketaralyq alań retinde tanylǵanyn atap ótti.
– Forým osy ýaqyt ishinde elderimizdiń saiasi-ekonomikalyq ózara yqpaldastyǵynyń mańyzdy institýtyna ainaldy. Bul basqosý postkeńestik keńistikte úlgi bolarlyq format retinde tanyldy. Ótken forýmdar aiasynda biz 200-den astam sharttar men kelisimder jasastyq. Bul qujattardyń júzege asyrylýy Qazaqstan men Resei óńirleriniń ǵana emes, sondai-aq ekonomikanyń tutas salalaryn damytýǵa tyń serpin beredi, – dedi Nursultan Nazarbaev.
Memleket basshysy Resei Federatsiiasynyń Qazaqstan úshin strategiialyq odaqtas ári saýda-ekonomika salasyndaǵy mańyzdy seriktes ekenin atap ótti.
– Biylǵy 8 aidyń ishinde elderimiz arasyndaǵy saýda ainalymy 11 milliard dollardan asty jáne bul kórsetkish jyl sońyna deiin 18 milliard dollarǵa jetýi múmkin. Ózara saýda salasyndaǵy óńdelgen ónimderdiń úlesi artyp, 82 paiyzǵa jetkeni qýantarlyq jait. Resei Qazaqstan úshin óńdelgen ónim eksporttaityn iri naryq bolyp sanalady, – dedi Nursultan Nazarbaev.
Sondai-aq, Qazaqstan Prezidenti munai-gaz, taý-ken metallýrgiiasy jáne agroónerkásip kesheni, himiia ónerkásibi jáne ekonomikanyń basqa da salalaryndaǵy investitsiialyq yntymaqtastyqty nyǵaitý barysyndaǵy eki jaqty qarym-qatynastardy ilgeriletýdiń nátijelerine toqtaldy.
Nursultan Nazarbaev týrizm salasynyń jahandyq ekonomikadaǵy mańyzdylyǵyn aityp, eki eldiń týristik áleýetin tiimdi paidalanyp, ony odan ári damytý úshin júieli sharalar qabyldaý qajet ekenin atap ótti.
– Búgingi forým óte mańyzdy ári ózekti másele – elderimizdiń týrizm salasyn damytýdyń jańa tásilderi men úrdisterine arnalǵan. Týrizm jahandyq ekonomikalyq daǵdarystar kezinde de ekonomika ósiminiń tetigi bolyp sanalady. Qazaqstan men Resei bul úderisterden tys qalyp qoimaýy kerek. Bizge jańa múmkindikterdi tiimdi paidalaný qajet, – dedi Memleket basshysy.
Sonymen qatar, Nursultan Nazarbaev Qazaqstanda týristerdiń legin arttyrýǵa jáne 60 myńnan astam jańa jumys oryndaryn ashýǵa baǵyttalǵan týrizmdi damytýdyń bes jyldyq memlekettik baǵdarlamasy ázirlenip jatqanyn aitty.
– Yntymaqtastyqtyń eki jaqty týrizmdi damytý siiaqty mańyzdy baǵytyna arnaiy toqtalǵym keledi. Reseidegidei Qazaqstanda da týrister úshin demalysty jaqsy ótkizip, tamashalaýǵa bolatyn kóptegen kórikti jerler bar. Mysaly, reseilikter, ásirese, eldiń batys Sibir bóligindegi turǵyndar demalý úshin jazda bizdiń eldegi Býrabaiǵa, Balqash pen Alakólge, qysta Almatydaǵy Shymbulaq taý shańǵysy kýrortyna jáne basqa da jerlerge keledi.
Memleket basshysy ókiletti organdar tarapynan sheshýdi talap etetin eki jaqty týrizmdi damytý salasyna qatysty birqatar jáitterdi, sonyń ishinde týristerdiń ótýine qolaily bolý úshin shekaradan ótkizý tártibin jańǵyrtý, týristik jáne kólik-logistikalyq infraqurylymdardy jetildirý, Kaspii teńizindegi týrizmdi birlese damytý, ǵaryshtyq týrizmdi qalyptastyrýǵa yqpal etý jáne basqa da máselelerdi atap ótti.
Qazaqstan Prezidenti forýmnyń eki jaqty óńiraralyq iskerlik qatynastarǵa zor serpin beretinine, Qazaqstan men Reseidi damytýdyń jańa belesine jol ashatynyna senim bildirdi.
Nursultan Nazarbaev forýmǵa qatysýshylardyń baiandamalary men oi-pikirlerin qorytyndylai kele, Resei Federatsiiasynyń Prezidentine eki eldiń Úkimetterine týrister legin kóbeitý úshin elderimizdiń aimaqtaryn bir-birimen bailanystyratyn avtomobil, temirjol jáne áýe qatynastaryn damytý jóninde birlesken is-qimyl josparyn ázirleýdi tapsyrý kerektigin aitty.
– Shekaralarymyzdaǵy baqylaý beketinen týristerdiń ótýine barynsha qolaily jaǵdai jasaý kerek. Qazaqstan men Resei shekaralaryndaǵy ótkizý beketteriniń infraqurylymy jáne tehnikalyq turǵydan jabdyqtalýy adamdar men kólikterdi molynan jiberýge sai kelmeidi. Osyǵan bailanysty, elderimizdiń Úkimetteri bul máselelerdi birlese otyryp sheshýge tiis, – dedi Memleket basshysy.
Qazaqstan Prezidenti kórshiles eldermen vizalyq jáne kóshi-qon rejimin jeńildete otyryp, Kaspii teńizinde týrizm jónindegi yntymaqtastyqtyń júiesin qurýdy, sondai-aq, meditsina jáne bilim salasyndaǵy týrizmdi damytý jóninde sharalar qabyldaýdy usyndy.
– Kúsh biriktire otyryp, álem tarihyndaǵy biregei Baiqońyr ǵarysh alańyna qatysty týrizmdi damytý kerek. Bul máselelerdiń keibiri týrizmdi damytýǵa jaýapty ministrlerdiń kelesi jylǵa arnalǵan birlesken josparlaryna endi, – dedi Nursultan Nazarbaev.
Memleket basshysy sóziniń sońynda «Astana» halyqaralyq qarjy ortalyǵyn iske qosý jónindegi atqarylǵan jumystardyń nátijelerin atap ótip, biznes ókilderin osy ortalyqtyń jáne sonyń bazasynda qurylǵan qarjy institýttarynyń jumysyna belsendi atsalysýǵa shaqyrdy.
Forým qorytyndysy boiynsha mynadai qujattarǵa qol qoiyldy:
– Qazaqstan men Reseidiń 2019-2021 jyldarǵa arnalǵan birlesken is-qimyl jospary;
– Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy Óńiraralyq jáne shekara mańy yntymaqtastyǵynyń baǵdarlamasyn iske asyrý jónindegi is-sharalar jospary men perspektivti óńirlik bastamalar tizbesi;
– Qazaqstan Respýblikasynyń Ulttyq ekonomika ministrligi men Resei Federatsiiasynyń Ekonomikalyq damý ministrligi arasyndaǵy «Qazaqstan-Resei» shekara mańy yntymaqtastyǵy baǵdarlamasyn daiyndaý jáne iske asyrý nieti týraly memorandým;
– Qazaqstan Respýblikasynyń Mádeniet jáne sport ministrligi men Resei Federatsiiasynyń Ekonomikalyq damý ministrligi arasyndaǵy Týrizm salasyndaǵy ózara túsinistik pen yntymaqtastyq týraly memorandým;
– Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy 1994 jylǵy 10 jeltoqsandaǵy «Baiqońyr» keshenin jalǵa berý shartyna ózgerister engizý týraly hattama;
–Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy 2006 jylǵy 3 qazandaǵy Qazaqstan Respýblikasynyń jáne Resei Federatsiiasynyń shekara mańyndaǵy aýmaqtary turǵyndarynyń Qazaqstan-Resei memlekettik shekarasyn kesip ótý tártibi týraly kelisimge ózgerister men tolyqtyrýlar engizý týraly hattama.
Týrizmdi damytýdyń jańa tásilderi men úrdisterine arnalǵan forýmǵa eki eldiń óńirleri men oblystarynyń basshylary, salalyq memlekettik organdar men isker toptar ókilderi qatysty.
Qazaqstan Prezidenti is-sharaǵa qatysýshylar aldynda sóilegen sózinde bul forým tiimdi memleketaralyq alań retinde tanylǵanyn atap ótti.
– Forým osy ýaqyt ishinde elderimizdiń saiasi-ekonomikalyq ózara yqpaldastyǵynyń mańyzdy institýtyna ainaldy. Bul basqosý postkeńestik keńistikte úlgi bolarlyq format retinde tanyldy. Ótken forýmdar aiasynda biz 200-den astam sharttar men kelisimder jasastyq. Bul qujattardyń júzege asyrylýy Qazaqstan men Resei óńirleriniń ǵana emes, sondai-aq ekonomikanyń tutas salalaryn damytýǵa tyń serpin beredi, – dedi Nursultan Nazarbaev.
Memleket basshysy Resei Federatsiiasynyń Qazaqstan úshin strategiialyq odaqtas ári saýda-ekonomika salasyndaǵy mańyzdy seriktes ekenin atap ótti.
– Biylǵy 8 aidyń ishinde elderimiz arasyndaǵy saýda ainalymy 11 milliard dollardan asty jáne bul kórsetkish jyl sońyna deiin 18 milliard dollarǵa jetýi múmkin. Ózara saýda salasyndaǵy óńdelgen ónimderdiń úlesi artyp, 82 paiyzǵa jetkeni qýantarlyq jait. Resei Qazaqstan úshin óńdelgen ónim eksporttaityn iri naryq bolyp sanalady, – dedi Nursultan Nazarbaev.
Sondai-aq, Qazaqstan Prezidenti munai-gaz, taý-ken metallýrgiiasy jáne agroónerkásip kesheni, himiia ónerkásibi jáne ekonomikanyń basqa da salalaryndaǵy investitsiialyq yntymaqtastyqty nyǵaitý barysyndaǵy eki jaqty qarym-qatynastardy ilgeriletýdiń nátijelerine toqtaldy.
Nursultan Nazarbaev týrizm salasynyń jahandyq ekonomikadaǵy mańyzdylyǵyn aityp, eki eldiń týristik áleýetin tiimdi paidalanyp, ony odan ári damytý úshin júieli sharalar qabyldaý qajet ekenin atap ótti.
– Búgingi forým óte mańyzdy ári ózekti másele – elderimizdiń týrizm salasyn damytýdyń jańa tásilderi men úrdisterine arnalǵan. Týrizm jahandyq ekonomikalyq daǵdarystar kezinde de ekonomika ósiminiń tetigi bolyp sanalady. Qazaqstan men Resei bul úderisterden tys qalyp qoimaýy kerek. Bizge jańa múmkindikterdi tiimdi paidalaný qajet, – dedi Memleket basshysy.
Sonymen qatar, Nursultan Nazarbaev Qazaqstanda týristerdiń legin arttyrýǵa jáne 60 myńnan astam jańa jumys oryndaryn ashýǵa baǵyttalǵan týrizmdi damytýdyń bes jyldyq memlekettik baǵdarlamasy ázirlenip jatqanyn aitty.
– Yntymaqtastyqtyń eki jaqty týrizmdi damytý siiaqty mańyzdy baǵytyna arnaiy toqtalǵym keledi. Reseidegidei Qazaqstanda da týrister úshin demalysty jaqsy ótkizip, tamashalaýǵa bolatyn kóptegen kórikti jerler bar. Mysaly, reseilikter, ásirese, eldiń batys Sibir bóligindegi turǵyndar demalý úshin jazda bizdiń eldegi Býrabaiǵa, Balqash pen Alakólge, qysta Almatydaǵy Shymbulaq taý shańǵysy kýrortyna jáne basqa da jerlerge keledi.
Memleket basshysy ókiletti organdar tarapynan sheshýdi talap etetin eki jaqty týrizmdi damytý salasyna qatysty birqatar jáitterdi, sonyń ishinde týristerdiń ótýine qolaily bolý úshin shekaradan ótkizý tártibin jańǵyrtý, týristik jáne kólik-logistikalyq infraqurylymdardy jetildirý, Kaspii teńizindegi týrizmdi birlese damytý, ǵaryshtyq týrizmdi qalyptastyrýǵa yqpal etý jáne basqa da máselelerdi atap ótti.
Qazaqstan Prezidenti forýmnyń eki jaqty óńiraralyq iskerlik qatynastarǵa zor serpin beretinine, Qazaqstan men Reseidi damytýdyń jańa belesine jol ashatynyna senim bildirdi.
Nursultan Nazarbaev forýmǵa qatysýshylardyń baiandamalary men oi-pikirlerin qorytyndylai kele, Resei Federatsiiasynyń Prezidentine eki eldiń Úkimetterine týrister legin kóbeitý úshin elderimizdiń aimaqtaryn bir-birimen bailanystyratyn avtomobil, temirjol jáne áýe qatynastaryn damytý jóninde birlesken is-qimyl josparyn ázirleýdi tapsyrý kerektigin aitty.
– Shekaralarymyzdaǵy baqylaý beketinen týristerdiń ótýine barynsha qolaily jaǵdai jasaý kerek. Qazaqstan men Resei shekaralaryndaǵy ótkizý beketteriniń infraqurylymy jáne tehnikalyq turǵydan jabdyqtalýy adamdar men kólikterdi molynan jiberýge sai kelmeidi. Osyǵan bailanysty, elderimizdiń Úkimetteri bul máselelerdi birlese otyryp sheshýge tiis, – dedi Memleket basshysy.
Qazaqstan Prezidenti kórshiles eldermen vizalyq jáne kóshi-qon rejimin jeńildete otyryp, Kaspii teńizinde týrizm jónindegi yntymaqtastyqtyń júiesin qurýdy, sondai-aq, meditsina jáne bilim salasyndaǵy týrizmdi damytý jóninde sharalar qabyldaýdy usyndy.
– Kúsh biriktire otyryp, álem tarihyndaǵy biregei Baiqońyr ǵarysh alańyna qatysty týrizmdi damytý kerek. Bul máselelerdiń keibiri týrizmdi damytýǵa jaýapty ministrlerdiń kelesi jylǵa arnalǵan birlesken josparlaryna endi, – dedi Nursultan Nazarbaev.
Memleket basshysy sóziniń sońynda «Astana» halyqaralyq qarjy ortalyǵyn iske qosý jónindegi atqarylǵan jumystardyń nátijelerin atap ótip, biznes ókilderin osy ortalyqtyń jáne sonyń bazasynda qurylǵan qarjy institýttarynyń jumysyna belsendi atsalysýǵa shaqyrdy.
Forým qorytyndysy boiynsha mynadai qujattarǵa qol qoiyldy:
– Qazaqstan men Reseidiń 2019-2021 jyldarǵa arnalǵan birlesken is-qimyl jospary;
– Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy Óńiraralyq jáne shekara mańy yntymaqtastyǵynyń baǵdarlamasyn iske asyrý jónindegi is-sharalar jospary men perspektivti óńirlik bastamalar tizbesi;
– Qazaqstan Respýblikasynyń Ulttyq ekonomika ministrligi men Resei Federatsiiasynyń Ekonomikalyq damý ministrligi arasyndaǵy «Qazaqstan-Resei» shekara mańy yntymaqtastyǵy baǵdarlamasyn daiyndaý jáne iske asyrý nieti týraly memorandým;
– Qazaqstan Respýblikasynyń Mádeniet jáne sport ministrligi men Resei Federatsiiasynyń Ekonomikalyq damý ministrligi arasyndaǵy Týrizm salasyndaǵy ózara túsinistik pen yntymaqtastyq týraly memorandým;
– Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy 1994 jylǵy 10 jeltoqsandaǵy «Baiqońyr» keshenin jalǵa berý shartyna ózgerister engizý týraly hattama;
–Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy 2006 jylǵy 3 qazandaǵy Qazaqstan Respýblikasynyń jáne Resei Federatsiiasynyń shekara mańyndaǵy aýmaqtary turǵyndarynyń Qazaqstan-Resei memlekettik shekarasyn kesip ótý tártibi týraly kelisimge ózgerister men tolyqtyrýlar engizý týraly hattama.
