Foto: El.kz
«Aýyl» halyqtyq-demokratiialyq partiiasy kezekten tys HHII sezinde Qazaqstan Respýblikasy Parlamenti Májilisiniń sailaýyna daiyn ekenin málimdep, kandidattar tizimin bekitti.
Partiia músheleri eldiń barlyq aimaqtarynan kelgen. Sezdiń negizgi suraqtary bul - sailaýǵa qatysý jáne sailaý naýqanynda agrarshylar atynan kim qatysatynan belgileý.
Saiasi uiym tarihyndaǵy asa mańyzdy kezdesýdi «Aýyl» partiiasynyń tóraǵasy Áli Bektaev ashty. Ol óz baiandamasynda aýyl árbir azamattyń altyn besigi ekenin atap ótti.
«Biz aýyldyń múddesin, elimizdiń kem degende jartysynyń múddesin qorǵaimyz. Sondyqtan «Aýyl» partiiasy Parlament sailaýyna Qazaqstannyń azyq-túlik qaýipsizdigin qamtamasyz etýge negizdelgen baǵdarlamasymen qatysatynyn málimdeidi», - dedi Áli Ábdikárimuly.
«Aýyl» partiiasy tóraǵasynyń sózine qaraǵanda, ónimder sórelerde óspeidi, sórelerde tek baǵalar ósedi. Elde biliktiń barlyq deńgeilerinde aýyl jáne agroónerkásiptik keshendi damytýdy qamtamasyz etý qajet.
Is-sharada partiia tóraǵasynyń orynbasary Jigýli Dairabaev sóz sóilep, aýyldy damytýdyń mańyzdylyǵyn atap ótti.
Sondai-aq, elimizdiń barlyq óńirlerinen ókildik etetin sezdiń basqa da qatysýshylary sóz sóiledi. Sailaýaldy baǵdarlama qabyldanǵannan keiin delegattar Parlament Májilisiniń depýtattyǵyna kandidattardy partiialyq tizim boiynsha da, bir mandatty okrýgter boiynsha da usyndy.
«Aýyl» partiiasynyń qatarynda elimizdiń kóptegen patriottary, laiyqty azamattar bar. Búgingi sezde biz QR Parlamenti Májilisiniń depýtattyǵyna kandidattardyń partiialyq tizimin bekittik jáne bir mandatty sailaý okrýgteri boiynsha kandidatýralardy usyndyq", - dedi Áli Bektaev.
Májilis depýtattyǵyna kandidattardyń tizimin jasaý kezinde barlyq zańnamalyq talaptar saqtaldy.
«Jergilikti jerlerdegi ýákiletti organdarda (máslihattardaǵy) «Aýyl» partiiasy ókilderiniń sanyn arttyrý basty baǵyt bolyp qala bermek. 2021 jylǵy sailaýda «Aýyl» HDPP-nyń 237 múshesi partiialyq tizim boiynsha oblystyq, qalalyq jáne aýdandyq máslihattardyń depýtaty bolyp sailandy. Bul naýqanda partiianyń 600-den astam ókilin túrli deńgeidegi máslihat depýtattyǵyna kandidat retinde usynamyz», - dedi partiia tóraǵasy.
