Foto: Májilis baspasóz qyzmetinen
2 mamyrda ótken Májilis otyrysynda depýtat Marhabat Jaiymbetov basqa elderden keletin ónimderdiń baǵasy arzan bolǵanymen, sapasy otandyq sút ónimderimen salystyrǵanda birneshe ese tómen. Bul úderis otandyq ónimderdiń básekelestigin tómendetýge jáne elimizdiń azyq-túlik qaýipsizdigine keri áserin tigizetinin aityp ótti.
Ol óz sózinde ónim berýshiler kóp jaǵdaida Eýraziialyq ekonomikalyq Odaqqa múshe elderden jáne ózge memleketterden shyǵarylatyn ónimderdi alyp kelýi múmkin ekenin de aitty. Sondai-aq, memlekettik satyp alýlarda otandyq taýarlardyń úlesin arttyrý týraly da másele kóterdi.
Depýtat saýalynyń tolyq núsqasy:
Qazaqstan Respýblikasy
Premer-Ministrdiń
orynbasary
S.M. Jumanǵaringe
DEPÝTATTYQ SAÝAL
Qurmetti Serik Maqashuly!
Prezident: «Óz-ózimizdi sút ónimderimen qamtamasyz etetin deńgeige jetýimiz kerek» dedi. Al, otandyq ónimdi qoldaý – memlekettiń basym baǵyttarynyń biri.
Aimaqtaǵy kezdesýimde sharýalar otandyq ónimge qatysty birshama máseleni kóterdi.
Solardyń biri - memlekettik satyp alýdy retteitin normativtik -quqyqtyq aktilerde «sút ónimderi» ulttyq rejimnen alyp qoiý tizimine engizilmeýi.
Osynyń saldarynan sút ónimderin óndirýshi bolyp tabylmaityn, arada deldal retinde jumys jasaityn ónim berýshiler memlekettik satyp alýlardyń jeńimpazy ataný faktileri jiileýde.
Atap ótetin jait, basqa elderden keletin ónimderdiń baǵasy arzan bolǵanymen, sapasy otandyq sút ónimderimen salystyrǵanda birneshe ese tómen. Bul úderis otandyq ónimderdiń básekelestigin tómendetýge jáne elimizdiń azyq-túlik qaýipsizdigine keri áserin tigizetini sózsiz.
Óz kezeginde, bul ónim berýshiler kóp jaǵdaida Eýraziialyq ekonomikalyq Odaqqa múshe elderden jáne ózge memleketterden shyǵarylatyn ónimderdi alyp kelýi múmkin.
Memleket Basshysy ár Joldaýynda memlekettik satyp alýlar men kvazimemlekettik sektordyń satyp alýlarynda otandyq taýarlardyń úlesin arttyrý máselesin qozǵaǵanymen, bul tapsyrma atqarýshy bilik tarapynan
óz deńgeiinde oryndalmai keledi.
Sonymen qatar, keibir salanyń memlekettik satyp alý júiesine kásiporynnyń otandyq óndirýshi mártebesin kýálandyratyn qujat mehnizimin engizý qajetpiz.
Iaǵni, bul qujatty alý úshin kásipker tehnikalyq, tehnologiialyq, resýrstyq múmkindikteri bar ekenin kórsetýi jáne taýar óndirýge shamasy jetetindigin dáleldeýi tiis.
Eger, memlekettik satyp alýlardyń jeńimpazy tek qana óndiristik sertifikatqa ie kásipkerler arasynan anyqtalǵan jaǵdaida, tapsyrys berýshilerge sapaly sút ónimderi jetkiziledi jáne naryqtaǵy deldal mekemelerdiń sany azaiatyn bolady.
Baiqasańyz, ónim bar, sapa bar, biraq nege memleket tarapynan qoldaýǵa kelgende kelte bolamyz? «Otandyq ónimdi qoldaý kerek, jergilikti ónimge mán berilsin» degen bastamalar qur jariia sózge ainalmaýy tiis. Ár sóz ispen dáleldense, quba-qup bolar edi.
Óz kezeginde, «AMANAT» partiiasy otandyq ónim óndirýshilerdiń máselesin jáne ulttyq biznestiń múddesin óz baqylaýynan qaldyrǵan emes.
Osy aitylǵandardy negizge ala otyryp, sút ónimderin ulttyq rejimnen alyp qoiý tizimine engizý máselelerin qarastyrýdy usynamyn.
Sondai-aq, josyqsyz importtaýshylar tarapynan demping faktilerine tergeý júrgizip, qajet bolǵan jaǵdaida shiki sút pen onyń kontsentratyn ákelýge tyiym salý qajet.
Depýtattyq saýalǵa zańda belgilengen merzimde jaýap berýińizdi suraimyz.
Qurmetpen,
«AMANAT» partiiasy
fraktsiiasynyń depýtattary
