Foto: Ukimet
Premer-ministr Oljas Bektenov Memleket basshysynyń qaýipti óndiriske tartylǵan azamattardyń qaýipsizdigin qamtamasyz etý jónindegi tapsyrmalaryn júzege asyrý máseleleri boiynsha jumys keńesin ótkizdi, dep habarlaidy Ult.kz.
Tótenshe jaǵdailar ministri Shyńǵys Árinov, ónerkásip jáne qurylys ministri Qanat Sharlapaev jańa tásilder jáne eńbek qaýipsizdigi salasyndaǵy atqarylyp jatqan jumystar týraly baiandady.
2030 jylǵa deiingi qaýipsiz eńbek tujyrymdamasy aiasynda nysandardy tsifrlandyrýdy eskere otyryp, normativtik-quqyqtyq aktiler qaita qaralady. Ónerkásip qaýipsizdigin, ǵylymdy damytýdy jáne tiisti ortalyqtar qurýdy qamtamasyz etetin nysandarǵa qoiylatyn, sondai-aq memlekettik eńbek inspektorynyń kadrlyq áleýeti men quqyqtyq mártebesin arttyrý jónindegi talaptar kúsheitiledi.
«Qazirgi ýaqytta ónerkásip qaýipsizdigi boiynsha jekelegen talaptar qaita qaralýda. Osylaisha, azamattyq qorǵaý jónindegi zań jobasy sheńberinde apattyq-qutqarý qyzmetterine qoiylatyn talaptar qatańdatylady, tiisti qyzmetterdiń fýnktsiialaryn berý arqyly óndiristik baqylaýǵa qoiylatyn jekelegen talaptar kúsheitilýde, sondai-aq qaýipti óndiristik nysandar ielerine jabdyqtardy jańartý jáne jańǵyrtý boiynsha jańa mindetter kózdelgen», - delingen aqparatta.
