Búgin «Azamattarǵa arnalǵan úkimet» memlekettik korporatsiiasynyń Shymkenttegi filialynda «Juldyzdardyń HQO-daǵy bir kúni» atty respýblikalyq aktsiiasy ótti. Bul kúni otandyq estrada juldyzdary Halyqqa qyzmet kórsetý ortalyǵy operatorlarynyń keipine endi.
Aktsiiaǵa ataqty ánshi Azizhan Shekerbekov, «Nysana», «Shanshar», «Shymkent-shoý» teatrlarynyń akterleri Dáýren Jumadilov, Nurbol Aitulov, Abai Aiazbaev, Nurjan Qulshynbaev, Jaras Ahmetov, Nartai Súleimenov jáne əlem chempiondary belgili boksshy Birjan Jaqypov, Qairat Eraliev, boksshy Zakir Safiýllin, Bekdáýlet Ibragimov, sondai-aq, Shymkent máslihatynyń depýtattary qatysty. Shoý-biznes juldyzdary azamattardyń qujattaryn qabyldap, HQO qyzmetkerleriniń róline úlken qyzyǵýshylyq tanytty.
Olar front-ofiske kelýshilerdiń memlekettik qyzmetterge qatysty suraqtaryna jaýap berip, elektrondy kezek talonyn usynyp, resepshndegi ótinishterdi toltyrýǵa kómektesti.
«Azamattarǵa arnalǵan úkimet» Shymkent qalalyq filialynyń direktory Bahyt Basymbek atap ótkendei, tanymal azamattar HQO mamandarynyń rólin tamasha oryndap shyqqan. «Bizdiń juldyzdarymyz keremet jumys jasady. Árine, olarǵa bizdiń operator qyzmetkerlerimiz belsendi túrde kómektesti, aitqandai- aq, olar tanymal tulǵalarmen qýana-qýana jumys jasady. Al búgin bizge kelgen qyzmet alýshylar Azizhan Shekerbekov, Birjan Jaqypov jəne basqa juldyzdar qarsy alǵanyna tań qalyp, olardan estelikke qoltańba aldy», - deidi Bahyt Basymbek.
Qazirgi tańda shymkenttikter memlekettik qyzmetterdi 10 front-ofisten ala alady. Biylǵy jyldyń 9 aiynda qaladaǵy HQO mamandary turǵyndarǵa 1 526 057 memlekettik qyzmet kórsetken.
«Azamattarǵa arnalǵan úkimet» memlekettik korporatsiiasy» KE AQ
Shymkent qalasy boiynsha filialy
