Foto: samruk-energy.kz
Ekibastuz qalasynyń turǵyny "Bogatyr Kómir" JShS-de eńbek sharty boiynsha jol jóndeýshi bolyp jumys istegen, dep jazady "Aq jaiyq" gazeti.
2012 jyldyń kókteminde qyzmettik mindetterin oryndaý kezinde jazataiym oqiǵaǵa ushyraǵan: relsti kesý kezinde paida bolǵan metall onyń kózine kirip ketken, sonyń saldarynan kózderi kórmei qalǵan. Tergeý jumys berýshiniń 100% kinásin jáne qyzmetkerdiń tolyq kinásizdigin anyqtady.
Er adamǵa qaita tekserý merziminsiz III toptaǵy múgedektik taǵaiyndaldy. Sondai-aq 55% kásiptik qabiletin jáne 50% jalpy eńbekke qabiletin joǵaltý anyqtaldy.
Jábirlenýshiniń ótinishine tatýlastyrý komissiiasy moraldyq ziiandy óteý ótemaqy somasyna qosylmaǵany týraly jaýap bergen.
Jábirlenýshi kezdeisoq jaǵdai onyń ómir súrý jáne jumys isteý qabiletin aitarlyqtai shektep, uzaq emdelýdi qajet etetinin aityp, JShS-dan moraldyq shyǵyndy óndirý týraly talap qoiýmen sotqa júgingen. Ol múmkindigi shekteýli adamdarǵa tán fizikalyq jáne psihikalyq azapty bastan keshiredi.
Birinshi satydaǵy sot talap qoiýdy qanaǵattandyryp jeke seriktesten jábirlenýshiniń paidasyna moraldyq ziiandy óteý retinde 5 million teńge óndirdi.
JShS aqylǵa qonymdylyq pen ádildik qaǵidattaryn, sondai-aq oqiǵa oryn alǵan kezden kóp ýaqyt ótkenin alǵa tartyp, ótemaqy mólsherin azaitý qajettigin talap etip, apelliatsiialyq satyǵa shaǵym túsirgen.
Pavlodar oblystyq soty is materialdaryn zerdelei kele, ótemaqy mólsheri negizdilik pen ádildik ólshemsharttaryna sáikes keledi dep, birinshi satydaǵy sottyń sheshimin negizdi dep tanydy. Birinshi satydaǵy sottyń sheshimi ózgerissiz qaldyryldy. Qaýly zańdy kúshine endi.
