Óńdeýshi kásiporyndarǵa 3 paiyzdyq jeńildetilgen nesie beriledi. Ulttyq ekonomika ministri Rýslan Dálenov osylai málim etti, dep habarlaidy "Ult aqparat".
«Karantinniń shekteý sharalarynyń jeńildeýi aiasynda, mamyrdan bastap qyzmetter sektory boiynsha jekelegen salalardyń qalpyna kelýi baiqalady. Atap aitqanda, saýda 28,3%-ǵa, onyń ishinde bólshek saýda – 34,2%-ǵa, kóterme saýda – 26,1%-ǵa ósti. Kólik qyzmetteri – 20,7%-ǵa, onyń ishinde jolaýshylar ainalymy – 41,5%-ǵa, júk ainalymy – 5,7%-ǵa artty. Al tamaqtaný boiynsha qyzmetter 10,8%-ǵa ósti», - dedi Rýslan Dálenov Úkimet otyrysynda.
Mamyr aiynda qyzmetter salasynda ósimniń serpindi qalpyna kelýi tirkelgen.
«Ekonomikalyq belsendilikti odan ári qalpyna keltirý maqsatynda 20 mamyrda 2020 jylǵa arnalǵan keshendi jospar qabyldandy. Keshendi jospar qoldanbaly sipattaǵy naqty sharalardy qamtidy. Bul aldymen - ónerkásipti damytý qoryn qurý. Óńdeýshi kásiporyndarǵa 3% jeńildetilgen mólshermen nesie berý kózdelip otyr», - dedi ol.
