Aqparat jáne qoǵamdyq damý ministri Dáýren Abaev Elbasynyń BAQ pen sheneýnikter arasyndaǵy qatynastaryna qatysty sózine pikir bildirdi, dep habarlaidy QazAqparat.
«Telefon qońyraýlary» týraly: biz belgili bir taldaý jumystaryn júrgizemiz. Bas redaktorlarmen bálkim birigip, qansha qońyraýdyń kelgenin aiqyndaý kerek bolar. Biz mundai jaǵdailardyń qalaida bolǵanyn jasyrmaimyz. Dese de, qońyraýlardyń kóbi memlekettik organdardyń pozitsiiasyn túsindirýge qatysty bolǵanyna shúbá keltirmeimin. Demek, keide jýrnalister kemshilikke nemese qatelikke jol berýi múmkin. Tiisinshe, memlekettik organdar olarǵa habarlasyp, túsindirýi, pysyqtaýy yqtimal. Elbasy da, Memleket basshysy da atap ótkendei, bizdiń eldiń damýy erkin BAQ-syz múmkin emes. Dál tilshiler – memlekettik organdar nazar aýdarýy tiis máselelerdi meńzeitin mamandar bolyp sanalady», - dedi Dáýren Abaev Úkimettiń baspasóz ortalyǵynda.
Eske sala ketsek, sheneýnikterdiń BAQ redaktorlaryna qysym kórsetetinin «Nur Otan» partiiasy Saiasi keńesiniń keńeitilgen otyrysynda QR Tuńǵysh Prezidenti – Elbasy Nursultan Nazarbaev atap ótken bolatyn.
«Dástúrli BAQ pozitsiiasynan aiyrylyp barady. Dáýren Abaev osy másele boiynsha oilanyp, jumys júrgizýi kerek. Telefondyq quqyq bolmaýy tiis. Sheneýnikter redaktorlarǵa qysym kórsetedi. Ártúrli joldarmen syni materialdardyń jolyn kesedi. Osydan keiin qoǵamdyq sanada balama shynaiylyq qalyptasady. «Nur Otan» sol sebepti, óziniń aqparattyq strategiiasyn qaita qaraýy kerek. Partiialyq BAQ shynaiy ári jedel aqparattyń kózine ainalyp, oza jumys júrgizýi tiis. Eń daryndy adamdardy tartyp, tiisti ailyq tólenýi kerek», - dedi Elbasy.
