© Sputnik / Vladislav Vodnev
Búgin eks-ministr Eljan Birtanov pen onyń burynǵy orynbasary Oljas Ábishevke qatysty sot úkimi shyǵaryldy.
Bireýine bes jyl, al ekinshisine 4 jyl merzimge bas bostandyǵyn shekteý túrindegi jaza taǵaiyndaldy. Oǵan qosa, ekeýi ministrlikke 1 milliard 350 million teńgenin shyǵyn tóleýge mindetteldi. Birtanov sot úkimimen jartylai kelisetinin málimdedi, dep habarlaidy Sputnik Qazaqstan.
"Men jartylai qanaǵattanyp otyrmyn. Atap aitqanda, sanaviatsiia boiynsha kinásiz tanylǵanymmen kelisemin. Al platformaǵa qatysty sheshimge qanaǵattanbaimyn. Ózimdi kinásiz dep sanaimyn, pikirimdi ózgertpeimin. Zań boiynsha sot úkimine shaǵym túsirýge quqyqym bar. Biz osy múmkindikti mindetti túrde paidalanamyz. Sondyqtan ary qarai kúresip, kinásiz ekenimizdi dáleldeimiz", - dedi Birtanov jýrnalisterge bergen suhbatynda.
Eks-ministrdiń aitýynsha, orynbasary ekeýi eshqandai qylmys jasaǵan joq.
"Biz ondai aqshany qaltaǵa salǵan joqpyz, biýdjetten bir tiyn da almadyq, qajetti aqparat bar. Ol aqshanyń barlyǵy sheteldegi "Erikson" kompaniiasyna tústi. Densaýlyq saqtaý ministrligi kelesi deńgeide sol halyqaralyq kompaniiamen sottasady dep senemiz. Sol jaqtan aqshany shyǵarý qajet. Bizde ondai aqsha joq", - dep atap kórsetti Birtanov.
