Sýbsidiia qarajatyn jymqyrý isi boiynsha Aqtóbe oblysynda kimderdiń ústinen is qozǵaldy? Búgin Ortalyq kommýnikatsiialar qyzmetinde ótken brifingide Aqtóbe oblysynyń ákimi Ońdasyn Orazalinge BAQ ókilderi osyndai suraq qoidy, dep habarlaidy QazAqparat.
«Siz sheneýnik dep memlekettik qyzmetshilerdi meńzep otyrsańyz sýbsidiia daýyna ilingen adamdardyń arasynda memlekettik qyzmetshiler joq. Maǵan jetken aqparat boiynsha, qylmystyq is kún panelderin satyp alyp, ornatý boiynsha qozǵalǵan. Mundai sharaǵa memlektten 80 paiyzǵa deiin sýbsidiia qarastyrylǵan edi. Meniń bilýimshe, atalmysh jumyspen Ulttyq agrarlyq-ǵylymi bilim ortalyǵynyń Aqtóbe oblysyndaǵy ókilderi ainalysqan. Iaǵni bular memlekettik qyzmetshi emes» - dep jaýap berdi Ońdasyn Orazalin.
Sondai-aq, ol oblys aýmaǵynda tergeý sharalary áli júrip jatqanyn atady.
«Atalmysh ulttyq ortalyqtyń 2 qyzmetkeri ustaldy. Jergilikti atqarýshy organdar boiynsha aitsaq, suratylǵan qajetti qujattyń bárin berdik. Bul jerde sharýa qojalyqtarynyń qyzmetine bailanysty qujattar bolsa kerek. Búgingi tańda jergilikti ákimdik qyzmetkerlerine qandai da bir naqty aiyp taǵylyp otyrǵan joq. Qalǵanyn tergeý jumystary kórsetedi», - dedi oblys basshysy.
