سۋبسيدييا قاراجاتىن جىمقىرۋ ٸسٸ بويىنشا اقتٶبە وبلىسىندا كٸمدەردٸڭ ٷستٸنەن ٸس قوزعالدى? بٷگٸن ورتالىق كوممۋنيكاتسييالار قىزمەتٸندە ٶتكەن بريفينگٸدە اقتٶبە وبلىسىنىڭ ەكٸمٸ وڭداسىن ورازالينگە باق ٶكٸلدەرٸ وسىنداي سۇراق قويدى, دەپ حابارلايدى قازاقپارات.
«سٸز شەنەۋنٸك دەپ مەملەكەتتٸك قىزمەتشٸلەردٸ مەڭزەپ وتىرساڭىز سۋبسيدييا داۋىنا ٸلٸنگەن ادامداردىڭ اراسىندا مەملەكەتتٸك قىزمەتشٸلەر جوق. ماعان جەتكەن اقپارات بويىنشا, قىلمىستىق ٸس كٷن پانەلدەرٸن ساتىپ الىپ, ورناتۋ بويىنشا قوزعالعان. مۇنداي شاراعا مەملەكتتەن 80 پايىزعا دەيٸن سۋبسيدييا قاراستىرىلعان ەدٸ. مەنٸڭ بٸلۋٸمشە, اتالمىش جۇمىسپەن ۇلتتىق اگرارلىق-عىلىمي بٸلٸم ورتالىعىنىڭ اقتٶبە وبلىسىنداعى ٶكٸلدەرٸ اينالىسقان. ياعني بۇلار مەملەكەتتٸك قىزمەتشٸ ەمەس» - دەپ جاۋاپ بەردٸ وڭداسىن ورازالين.
سونداي-اق, ول وبلىس اۋماعىندا تەرگەۋ شارالارى ەلٸ جٷرٸپ جاتقانىن اتادى.
«اتالمىش ۇلتتىق ورتالىقتىڭ 2 قىزمەتكەرٸ ۇستالدى. جەرگٸلٸكتٸ اتقارۋشى ورگاندار بويىنشا ايتساق, سۇراتىلعان قاجەتتٸ قۇجاتتىڭ بەرٸن بەردٸك. بۇل جەردە شارۋا قوجالىقتارىنىڭ قىزمەتٸنە بايلانىستى قۇجاتتار بولسا كەرەك. بٷگٸنگٸ تاڭدا جەرگٸلٸكتٸ ەكٸمدٸك قىزمەتكەرلەرٸنە قانداي دا بٸر ناقتى ايىپ تاعىلىپ وتىرعان جوق. قالعانىن تەرگەۋ جۇمىستارى كٶرسەتەدٸ», - دەدٸ وبلىس باسشىسى.
