Foto: Polisia.kz
Kókshetaý turǵyny óz kóligin zańdastyrǵan on myńynshy adam boldy, – dep habarlaidy Polisia.kz portaly.
31 jastaǵy Azamat Esliambekov Honda Odyssey markaly avtokólikti Armeniiadan alyp kelgen. Búgin er adam óziniń kóligin zańdastyryp, qazaqstandyq tehpasportty, sondai-aq memlekettik nómirlik belgini aldy.
Aita ketý kerek, zańdastyrý 2023 jyldyń 1 shildesine deiin jalǵasady.
Ótinim berý tásilderi:
- eGov.kz úkimet portaly arqyly;
- ekinshi deńgeili bankterdiń qosymshalary arqyly;
- HQKO arqyly.
Ereje boiynsha avtokólik Qazaqstanǵa 2022 jylǵy 1 qyrkúiekke deiin ákelinýi tiis, qylmystyq esepte bolmaýy kerek, basqa memlekette burynǵy tirkelgen jeri boiynsha esepten shyǵarylýy qajet. Sondai-aq Eýraziialyq ekonomikalyq odaqqa kirmeitin elderden ákelingen avtokólik kedendik tazartýdan ótýi tiis.
