Túrkistan qalasynda qarqyn alǵan turǵyn úi qurylysyn aralap shyqqan óńir basshysy Ómirzaq Shókeev turǵyndarǵa qolaily jaǵdai jasap, bilikti qurylysshylardy tiimdi jumysqa yntalandyrýdy tapsyrdy, – dep habarlaidy oblysy ákiminiń baspasóz qyzmeti.
Óńir basshysy daiyn páterlerdiń sapasyn tekserip, jumys kestesinen qalys qalǵan kompaniia jetekshilerin qatań synǵa aldy. Bilikti qurylysshylarǵa qoldaý kórsetý týraly oblys ákiminiń bastamasyn tolyǵymen qoldaǵan jaýapty sala basshylary aiqyndalǵan tapsyrmalardy tiimdi júzege asyrýdy mejelep otyr.
Qazirgi ýaqytta Túrkistan qalasynda 24 turǵyn úi qurylys nysandary salynyp jatyr. Jospar boiynsha baspanalar jyl sońyna deiin túrkistandyqtarǵa tapsyrylady. Shahardyń ákimshilik-iskerlik ortalyq aýmaǵynda 7 qabatty 14 turǵyn úi men 12 qabatty 29 turǵyn úidiń, Batys Qytai-Batys Eýropa tas jolynyń boiynda 7 qabatty 10 turǵyn úi qurylysy júrgizilýde.
Oblys basshysy qala ortalyǵyndaǵy jelilik saiabaqtyń aiaqtalýǵa jaqyn turǵan kógaldandyrý jumystaryn baqylap, aspan astynda ornalasqan basseinde boldy. Erekshe joba maýsym aiynda ashylady.
