Túrkistan oblysynyń ákimi Ómirzaq Shókeev jumys saparymen Tólebi aýdanyna baryp, ondaǵy ónerkásip salasyndaǵy iri jobalardyń biri «Lengir mashina jasaý zaýytynda» boldy. Munda mashina jasaý ónerkásibine qajetti qurylys, temir ónimderi men bólshekteri shyǵarylmaq, dep habarlaidy "Ult aqparat".
Atalǵan zaýyt tapsyrys bolǵan jaǵdaida tipti poiyz vagondary men bólshekterin jasap shyǵara alady. Bul jobaǵa 3-3,5 mlrd teńge investitsiia tartylmaq. Jalpy óndiristik aýmaǵy 13 myń sharshy metrden asatyn kásiporynda tolyqtai qaita qurý men jańartý jumystary júrgizilip jatyr. Munda otandyq shikizat paidalanylyp, óndirilgen ónimderdi elimizdiń ishki naryǵyna shyǵarý josparlanýda. Aldaǵy ýaqytta jańa jumys oryndary ashylyp, 150 adamdy jumyspen qamtý kózdelgen. Toqyraý kezinde qaraýsyz qalǵan mashina jasaý zaýyty qaita jandanyp, biyl iske qosylady dep josparlanǵan.
Aimaq basshysy sondai-aq, «Jumyspen qamtý jol kartasy» baǵdarlamasy aiasynda júzege asyrylatyn jobalarmen de tanysty. Aýdan ortalyǵyndaǵy «Jastyq» stadionynda kúrdeli jóndeý jumystary júrip jatyr. Aýdanda búginde bilim uialary jańartylyp, 20 páterli 9 turǵyn úi boi kótergen. Oblys basshysyn Abai Qunanbaiulynyń 175 jyldyq mereitoiy orai Tólebi aýdanynyń ortalyǵynda ornatylatyn eskertkish jobasymen tanystyrdy. Biiktigi 3,5 metr mystan quiylǵan eskertkish demeýshiler tarapynan júzege asýda. Uly oishyldyń músini jańadan boi kóteretin Abai alleiasynda ornatylmaq. Budan ózge, aýdanda demeýshiler esebinen tarihi tulǵa Tóle bidiń 7 metrge jetetin eńseli eskertkishi boi kótermek. Baba músini Tólebi aýdanynyń eń kórikti jerleriniń birine ainalmaq.
Ómirzaq Estaiuly Kóksáiek eldi mekenindegi jeke sharýa qojalyǵynyń jumysymen de tanysty. Naýryz aiynda iske qosylǵan qojalyqta 4 ga jerge qyzanaq, qiiar, sábiz, qulpynai, bolgar buryshy syndy kókónister egilgen. Jalpy aýdan kóleminde tamshylatyp sýǵarý tehnologiiasymen qarqyndy jemis-jidektiń kólemi 35 gektarǵa jáne sýarmaly jerdiń kólemi 80 ga artyp, jańa 4 aýylsharýashylyq tehnikasy alynǵan.
