تٷركٸستان وبلىسىنىڭ ەكٸمٸ ٶمٸرزاق شٶكەەۆ جۇمىس ساپارىمەن تٶلەبي اۋدانىنا بارىپ, ونداعى ٶنەركەسٸپ سالاسىنداعى ٸرٸ جوبالاردىڭ بٸرٸ «لەنگٸر ماشينا جاساۋ زاۋىتىندا» بولدى. مۇندا ماشينا جاساۋ ٶنەركەسٸبٸنە قاجەتتٸ قۇرىلىس, تەمٸر ٶنٸمدەرٸ مەن بٶلشەكتەرٸ شىعارىلماق, دەپ حابارلايدى "ۇلت اقپارات".
اتالعان زاۋىت تاپسىرىس بولعان جاعدايدا تٸپتٸ پويىز ۆاگوندارى مەن بٶلشەكتەرٸن جاساپ شىعارا الادى. بۇل جوباعا 3-3,5 ملرد تەڭگە ينۆەستيتسييا تارتىلماق. جالپى ٶندٸرٸستٸك اۋماعى 13 مىڭ شارشى مەتردەن اساتىن كەسٸپورىندا تولىقتاي قايتا قۇرۋ مەن جاڭارتۋ جۇمىستارى جٷرگٸزٸلٸپ جاتىر. مۇندا وتاندىق شيكٸزات پايدالانىلىپ, ٶندٸرٸلگەن ٶنٸمدەردٸ ەلٸمٸزدٸڭ ٸشكٸ نارىعىنا شىعارۋ جوسپارلانۋدا. الداعى ۋاقىتتا جاڭا جۇمىس ورىندارى اشىلىپ, 150 ادامدى جۇمىسپەن قامتۋ كٶزدەلگەن. توقىراۋ كەزٸندە قاراۋسىز قالعان ماشينا جاساۋ زاۋىتى قايتا جاندانىپ, بيىل ٸسكە قوسىلادى دەپ جوسپارلانعان.
ايماق باسشىسى سونداي-اق, «جۇمىسپەن قامتۋ جول كارتاسى» باعدارلاماسى اياسىندا جٷزەگە اسىرىلاتىن جوبالارمەن دە تانىستى. اۋدان ورتالىعىنداعى «جاستىق» ستاديونىندا كٷردەلٸ جٶندەۋ جۇمىستارى جٷرٸپ جاتىر. اۋداندا بٷگٸندە بٸلٸم ۇيالارى جاڭارتىلىپ, 20 پەتەرلٸ 9 تۇرعىن ٷي بوي كٶتەرگەن. وبلىس باسشىسىن اباي قۇنانبايۇلىنىڭ 175 جىلدىق مەرەيتويى وراي تٶلەبي اۋدانىنىڭ ورتالىعىندا ورناتىلاتىن ەسكەرتكٸش جوباسىمەن تانىستىردى. بيٸكتٸگٸ 3,5 مەتر مىستان قۇيىلعان ەسكەرتكٸش دەمەۋشٸلەر تاراپىنان جٷزەگە اسۋدا. ۇلى ويشىلدىڭ مٷسٸنٸ جاڭادان بوي كٶتەرەتٸن اباي اللەياسىندا ورناتىلماق. بۇدان ٶزگە, اۋداندا دەمەۋشٸلەر ەسەبٸنەن تاريحي تۇلعا تٶلە بيدٸڭ 7 مەترگە جەتەتٸن ەڭسەلٸ ەسكەرتكٸشٸ بوي كٶتەرمەك. بابا مٷسٸنٸ تٶلەبي اۋدانىنىڭ ەڭ كٶرٸكتٸ جەرلەرٸنٸڭ بٸرٸنە اينالماق.
ٶمٸرزاق ەستايۇلى كٶكسەيەك ەلدٸ مەكەنٸندەگٸ جەكە شارۋا قوجالىعىنىڭ جۇمىسىمەن دە تانىستى. ناۋرىز ايىندا ٸسكە قوسىلعان قوجالىقتا 4 گا جەرگە قىزاناق, قييار, سەبٸز, قۇلپىناي, بولگار بۇرىشى سىندى كٶكٶنٸستەر ەگٸلگەن. جالپى اۋدان كٶلەمٸندە تامشىلاتىپ سۋعارۋ تەحنولوگيياسىمەن قارقىندى جەمٸس-جيدەكتٸڭ كٶلەمٸ 35 گەكتارعا جەنە سۋارمالى جەردٸڭ كٶلەمٸ 80 گا ارتىپ, جاڭا 4 اۋىلشارۋاشىلىق تەحنيكاسى الىنعان.
