Jyl basynan beri ekinshi ret uiymdastyrylǵan Túrkistan oblysynyń ákimi Ómirzaq Shókeevtiń Saýran aýdany turǵyndarymen kezdesýi ashyq formatta ótti. Onda óńirde atqarylyp jatqan jumystar jaiynda baiandaǵan oblys basshysy aldaǵy josparmen de bólisti. Turǵyndar ózderin alańdatqan suraqtaryn qoiyp, tushymdy jaýap aldy. Kezdesý áleýmettik jelilerde jáne Túrkistan oblysy ákimdiginiń resmi platformasynda tikelei efirde kórsetildi, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Aita keteiik, Túrkistan oblysynyń ákimi Ómirzaq Shókeev jyl basynan beri 200-den astam kezdesý ótkizgen. Halyqpen kezdesý kezinde 1000-nan astam másele kóterilgen. Halyqty tolǵandyrǵan jalpyǵa ortaq máselelerdiń basym bóligi júzege asty. Kei máselelerdi sheshýge ýaqyt qajet. Zań aiasynda biýdjetten qarjy bólip, qarastyrý úshin. Sáýir aiynda ótken oblys ákimi Ómirzaq Shókeevtiń saýrandyqtarmen kezdesýinde 30-ǵa jýyq mańyzdy másele kóterilgen bolatyn. Sonyń teń jartysy júzege asty.
«Memleket basshysy Qasym-Jomart Toqaevtyń tapsyrmasymen qurylǵan Saýran aýdanyn damytý máselesi nazarda tur. Qysqa ýaqytta biraz jumys atqaryldy. Josparlar da kóp. Sáýir aiynda ózderińizben júzdesken kezde Eski Iqan aýyldyq okrýgi turǵyndary tarapynan aǵyn sý baǵasynyń joǵarylyǵy jóninde másele kóterilgen edi. Bul baǵytta tiisti jumystar júrgizildi. Qazirgi tańda aýyl sharýashylyǵy taýar ónidirýshilerdiń egistik alqaptaryna qajetti aǵyn sýdyń tariftik baǵasy 251 teńge bolyp belgilendi. Burynǵy tarif – 787 teńge bolǵan. 11 eldi mekendi tabiǵi gazben qamtamasyz etý boiynsha qurylys jumystary júrgizilip, 4 eldi meken gazǵa qosyldy. Qalǵan 7 eldi meken «Eski Iqan» AGTS arqyly gaz tutynady. Búgingi kúnge AGTS-in metrologiialyq atesttatsiiadan ótkizý jumystary júrgizilýde. Tamyz aiynda AGTS-ti iske qosý josparlanǵan. Sodan keiin 7 eldi meken kezeń-kezeńimen tabiǵi gazǵa qosylatyn bolady. Saýran aýdanyndaǵy oblystyq mańyzy bar «Yntaly» avtomobil joly jóndelýde. Mańyzdy joldy jyl sońyna deiin paidalanýǵa berý kózdelgen. Jalpy áleýmettik-infraqurylymdyq máseleler júieli túrde kezeń-kezeńimen sheshiledi», – dedi saýrandyqtarmen kezdesken Ómirzaq Shókeev.
Kezdesýde turǵyndar tarapynan jol, infraqurylym, sport nysanyn salý, órt sóndirý beketin ashý jáne ózge de suraqtar qoiylyp, ótinishter aityldy. Odan keiin óńir basshysy turǵyndardy jeke qabyldady.
Saýran aýdany alyp qurylys alańyna ainaldy. Aýdan ortalyǵynda memlekettik organdardyń 5 ákimshilik ǵimaraty boi kóteredi. Buǵan respýblikalyq jáne oblystyq biýdjetten qarajat bólindi. Jergilikti biýdjet esebinen 3 mekteptiń qurylysyna 1 mlrd. teńge qaraldy. Shornaq aýyl okrýgi, Qosmezgil eldi mekenindegi 300 oryndyq mekteptiń qurylysy aiaqtalyp, biyl paidalanýǵa beriledi. Bilim uialary Oranǵai men Ibata eldi mekeninde salynyp jatyr.
Shornaq eldi mekenine aýyz sý, káriz júiesi men elektr jelilerimen jabdyqtaýǵa arnalǵan injenerlik infraqurylym tartý jumystaryna jergilikti biýdjetten 25 mln. teńge bólindi (quny 2,5 mlrd. teńge). Aýdan ortalyǵyn aýyz sý júielerimen qamtý jumystaryna Ulttyq qordan qarajat bólindi. Nysandar jyl qorytyndysymen paidalanýǵa beriledi.
«Aýyl – El besigi» jobasy aiasynda 2 eldi mekende 7 joba iske asyrylýda. Atap aitqanda, Babaiqorǵan eldi mekeninde jańadan sport alańshasy salynýda. Jáne Shornaq eldi mekeninde uzyndyǵy 20 shaqyrymǵa jýyq 20 kóshe jaryqtandyrylyp, asfalt tóseledi. Budan bólek Saýran aýdanyn abattandyrýǵa, jelilik saiabaq pen balalar alańy men fýtbol alańshasyn salýǵa 530 mln. teńge qaraldy. Avtomobil joldary kúrdeli jóndeýden ótip jatyr.
Kezdesýden keiin Ómirzaq Shókeev Shornaq aýylynda salynyp jatqan ákimshilik jáne ózge de ǵimarat qurylys alańdaryn aralap, jumys barysymen tanysty. Jaýapty basshylarǵa qurylysty sapaly júrgizýdi tapsyrdy.
