Jaqynda bir jańalyq korporativtik sektordy dúr silkindirdi: «Samuryq-Qazyna» qoryn alty jyl basqarǵan Ómirzaq Shókeev premer-ministrdiń orynbasary bolyp taǵaiyndaldy. Bul ulttyq kompaniialardyń basshylyǵyna qalai áser etetindigin biz ázirge tek boljai alamyz. Al qazir Ulttyq ál-aýqat qorynyń burynǵy basshysy qandai ózgeristermen este qalǵandyǵyn oiymyzǵa túsireiik.
«Ol qorǵa alty jyl buryn premer-ministrdiń orynbasary laýazymynan keldi — osy ýaqyt ishinde ol ózi de ózgerdi, qordy da ózgertti: alty jyl burynǵy qor men qazirgi qor múldem ózge eki kompaniia! Alty jyl burynǵy Shókeev pen qazirgi Shókeev múldem basqa adamdar! Osy jyldarda kóp is atqaryldy — bul týraly óte kóp aityldy, aityla beretindigine de senimdimin», - dep Ómirzaq Shókeevtiń taǵaiyndalýynan keiin «Samuryq-Qazyna» basqarýshy direktory Nurlan Rahmetov óz blogynda jazdy.
Shyndyǵynda da, basshylyq jyldarynda Ómirzaq Shókeev memlekettik basqarýshydan halyqaralyq deńgeidegi qor menedjeri jolyn júrip ótti. Al «Samuryq-Qazyna» eń iri egemen qorlar — Singapýrlyq Temasek pen Malaiziianyń Khazanah qorlaryn ózine baǵyt - baǵdar retinde tańdady.
Ómirzaq Shókeevtiń «Samuryq-Qazyna» basshylyǵyna kelýi, qordyń strategiialyq qyzmetiniń qaita baǵdarlanýymen tuspa-tus keldi. Sol kezde birinshi kezekte kompaniialar men qor ózderiniń beiindi emes aktivterinen — ekinshi deńgeili bankterinen qutylyp, olardy básekelestik ortaǵa qaitardy.
Alǵashqy jetistikterin sandarmen aitsaq, 2012 jyly Qorda jáne portfeldik kompaniialarda bastalǵan úsh jyldyq shyǵyndardy azaitý baǵdarlamasy. Nátijesinde, toptyń shyǵyndary 150 mlrd. teńgege qysqartyldy, sodan keiin 180 mlrd. teńge únemdeýge jetkizgen satyp alýdyń avtomattandyrylǵan júiesi engizildi. Korporativtik qazynashylyqtyń jobasy 90 mlrd. teńge ekonomikalyq tiimdilik berdi. Osynyń bári Shókeev basshylyǵynyń alǵashqy jyldaryndaǵy bastamalar, al endi aldyda — jańa basshy jalǵastyratyn transformatsiia.
Sońǵy jyldary qordyń syrtqy boryshy 2 esege, al top qurylymyndaǵy kompaniialardyń sany 600-den 315-ke deiin qysqardy. Qordyń ózi 2016 jyly eleýli ózgeristerge ushyrady: basqarma tóraǵalarynyń orynbasarlary qyzmetteri qysqartyldy, qurylymy ózgerdi, jańa adamdar keldi.
Korporativtik basqarý kodeksi EYDU qaǵidattary negizinde ázirlendi jáne engizildi. Qordaǵy basty qundylyq retinde meritokratiia — bárine teń múmkindikter tanyldy.
«Árine, áli de bolsa atqarar is kóp — dál osyndai qorlardyń tereń ózgerýi ondaǵan jyldarǵa sozylatyn! Al transformatsiia qordyń barlyq kompaniialarynyń joǵarǵy basshylyǵynyń mentaliteti men mádenieti shynaiy ózgergenshe jalǵasa beredi. Endi keri qaitýdyń máni joq — bul da qor qyzmetiniń Shókeevtik kezeńniń jetistikteriniń biri», - dep túiindedi óz blogynda Nurlan Rahmetov.
