Túrkistan óńiriniń barlyq ákimshilik aýmaqtarynda koronavirýs juqtyrǵan naýqastar tirkelgen. Sońǵy bir aptanyń ishinde 360 adam osy indetke shaldyqqan. Bul týraly Túrkistan oblysynyń ákimi Ómirzaq Shókeevtiń tóraǵalyq etýimen ótken lezdemelik májilis otyrysynda sóz boldy, dep habarlaidy QazAqparat.
Jiynda oblys aýmaǵynda koronavirýs infektsiiasy boiynsha atqarylǵan jumystar týraly aityldy. Aimaqta atalǵan indetpen tirkelgender sany 2 myń adamnan asqan.
Sala mamandarynyń sózinshe, KVI-dan 33 ólim jaǵdaiy tirkelgen. Onyń ishinde 24 jaǵdai negizgi COVID-19 koronavirýs infektsiiasy diagnozymen jáne 9 jaǵdai COVID-19 koronavirýs infektsiiasy ilespe diagnozyn quraidy.
Májiliste Ómirzaq Shókeev Túrkistan oblysynyń aýmaǵynda qatań karantin shekteý is-sharalary 5 shildeden bastap 20 shilde aralyǵynda engizilgenin eskertti.
Osyǵan orai barlyq aýdan-qala ákimderi, basqarma basshylary men tiisti memlekettik organdar shekteý sharalaryna sáikes jumys atqarýy qajettigi tapsyryldy.
