Túrkistan oblysynda Qajymuqan Muńaitpasulynyń memorialdyq kesheni qurylysy 2021 jyly bastalady. Bul týraly óńir ákimi Ómirzaq Shókeev aitty, dep habarlaidy "Ult aqparat".
«Qajymuqan Muńait pasuly bizdiń ataqty jerlesimiz. Keler jyly mereitoiy ótedi. Soǵan bailanysty jurtshylyqtyń usynysymen Ordabasy aýdanynda Qajymuqan atamyzdyń úlken memorialdy keshenin salý qajet degen bastama kóterildi. Oǵan arnaiy qarjy bólip, tiisti qujattaryn daiyndadyq. Qazir smetalyq-jobalaý qujaty daiyn. Tiisti ministrlik arqyly Úkimetke usyndyq. Ol jerde qarjy máselesi sheshiletin bolsa, onda kelesi jyly keshen qurylysyn bastaimyz», - dedi Ómirzaq Shókeev Ortalyq kommýnikatsiialar qyzmeti alańynda ótken baspasóz máslihatynda.
Aita keteiik, 2021 jyly qazaqtyń belgili palýany Qajymuqan Muńaitpasulynyń 150 jyldyq mereitoiy ótedi. Soǵan orai Túrkistan oblysy, Ordabasy aýdanynda Qajymuqanǵa memorialdyq keshen salynatyn bolyp josparlanǵan. Zamanaýi úlgide boi kóteretin nysannyń qurylys jumystary osy jyldyń qarasha aiynda bastalyp, 2021 jyldyń qazan aiynda aiaqtalýy tiis edi. Alaida, taiaýda senator Álimjan Qurtaev QR Premer-Ministri Asqar Maminge depýtattyq saýal joldap, onda Q. Muńaitpasulynyń memorialdyq keshenin salýǵa respýblikalyq biýdjetten qarjy bólinbei otyrǵanyn aitqan bolatyn.
