تٷركٸستان وبلىسىندا قاجىمۇقان مۇڭايتپاسۇلىنىڭ مەموريالدىق كەشەنٸ قۇرىلىسى 2021 جىلى باستالادى. بۇل تۋرالى ٶڭٸر ەكٸمٸ ٶمٸرزاق شٶكەەۆ ايتتى, دەپ حابارلايدى "ۇلت اقپارات".
«قاجىمۇقان مۇڭايت پاسۇلى بٸزدٸڭ اتاقتى جەرلەسٸمٸز. كەلەر جىلى مەرەيتويى ٶتەدٸ. سوعان بايلانىستى جۇرتشىلىقتىڭ ۇسىنىسىمەن ورداباسى اۋدانىندا قاجىمۇقان اتامىزدىڭ ٷلكەن مەموريالدى كەشەنٸن سالۋ قاجەت دەگەن باستاما كٶتەرٸلدٸ. وعان ارنايى قارجى بٶلٸپ, تيٸستٸ قۇجاتتارىن دايىندادىق. قازٸر سمەتالىق-جوبالاۋ قۇجاتى دايىن. تيٸستٸ مينيسترلٸك ارقىلى ٷكٸمەتكە ۇسىندىق. ول جەردە قارجى مەسەلەسٸ شەشٸلەتٸن بولسا, وندا كەلەسٸ جىلى كەشەن قۇرىلىسىن باستايمىز», - دەدٸ ٶمٸرزاق شٶكەەۆ ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
ايتا كەتەيٸك, 2021 جىلى قازاقتىڭ بەلگٸلٸ پالۋانى قاجىمۇقان مۇڭايتپاسۇلىنىڭ 150 جىلدىق مەرەيتويى ٶتەدٸ. سوعان وراي تٷركٸستان وبلىسى, ورداباسى اۋدانىندا قاجىمۇقانعا مەموريالدىق كەشەن سالىناتىن بولىپ جوسپارلانعان. زاماناۋي ٷلگٸدە بوي كٶتەرەتٸن نىساننىڭ قۇرىلىس جۇمىستارى وسى جىلدىڭ قاراشا ايىندا باستالىپ, 2021 جىلدىڭ قازان ايىندا اياقتالۋى تيٸس ەدٸ. الايدا, تاياۋدا سەناتور ەلٸمجان قۇرتاەۆ قر پرەمەر-مينيسترٸ اسقار مامينگە دەپۋتاتتىق ساۋال جولداپ, وندا ق. مۇڭايتپاسۇلىنىڭ مەموريالدىق كەشەنٸن سالۋعا رەسپۋبليكالىق بيۋدجەتتەن قارجى بٶلٸنبەي وتىرعانىن ايتقان بولاتىن.
