Túrkistan oblysynyń ákimi Ómirzaq Shókeev óńirdiń Abai aýylynda oryn alǵan bala zorlyǵyna qatysty oqiǵaǵa pikir bildirdi, dep habarlaidy QazAqparat.
«Balalarǵa zorlyq kórsetý taqyrybyna kelsek, men ákim bolǵan kúnnen bastap bul máseleni qolǵa aldyq. Sonyń biri – arnaiy komissiia quryldy jáne Arýjan Sain kelip qaitty. Baiqaǵandaryńyzdai, osy problemamen kúres úshin keshendi jospar da quryldy. Barlyq ákimder tartylyp, óńirlerde psihologiialyq qoldaý kórsetý ortalyqtaryn ashý sheshimi qabyldandy. Abaidaǵy jaǵdai boiynsha biraz ýaqyt tergep-tekserý jumystary júrdi. Sottyń sheshimine qatysty biz pikir bildire almaimyz. Degenmen, meniń aitarym, óńirdegi barlyq memlekettik organdar onyń ishinde, quqyqqorǵaý organdary balalarǵa qarsy zorlyq jáne sýitsid problemasymen jumyla kúresýge daiyn. Bul, bizdiń ǵana aimaqtyń máselesi emes. Onymen kúresýdiń tiimdi ádis-tásilin tańdaý kerek. Sondyqtan bizdiń óńirde bul másele jiti baqylaýda», - dedi Ó. Shókeev búgin Ortalyq kommýnikatsiialar qyzmetinde ótken baspasóz máslihatynda.
Odan bólek, oblys basshysy óńirdegi jemqorlyq máselesin sóz etti.
«El arasynda bizdiń óńirde muǵalim nemese eden jýýshy bolyp jumysqa turý úshin para berý kerek degen sybys taralǵan. Degenmen ótken jyldan bastap áleýmettik mekemelerde jumysqa ornalasý protsesi arnaiy portal arqyly júzege asyrylady. Iaǵni eshqandai direktor nemese mekeme basshylyǵynyń qatysýynsyz ótedi. Sondyqtan da eńbekpen qamtýda ádildik pen ashyqtyq – basty orynda», - deidi ol.
Eske salsaq, Túrkistan oblysynyń Abai aýylynda mektep oqýshylaryna 7 jasar balany uryp-soǵyp, zorlady degen aiyp taǵylyp, qylmystyq is qozǵalǵan bolatyn.
