تٷركٸستان وبلىسىنىڭ ەكٸمٸ ٶمٸرزاق شٶكەەۆ ٶڭٸردٸڭ اباي اۋىلىندا ورىن العان بالا زورلىعىنا قاتىستى وقيعاعا پٸكٸر بٸلدٸردٸ, دەپ حابارلايدى قازاقپارات.
«بالالارعا زورلىق كٶرسەتۋ تاقىرىبىنا كەلسەك, مەن ەكٸم بولعان كٷننەن باستاپ بۇل مەسەلەنٸ قولعا الدىق. سونىڭ بٸرٸ – ارنايى كوميسسييا قۇرىلدى جەنە ارۋجان ساين كەلٸپ قايتتى. بايقاعاندارىڭىزداي, وسى پروبلەمامەن كٷرەس ٷشٸن كەشەندٸ جوسپار دا قۇرىلدى. بارلىق ەكٸمدەر تارتىلىپ, ٶڭٸرلەردە پسيحولوگييالىق قولداۋ كٶرسەتۋ ورتالىقتارىن اشۋ شەشٸمٸ قابىلداندى. ابايداعى جاعداي بويىنشا بٸراز ۋاقىت تەرگەپ-تەكسەرۋ جۇمىستارى جٷردٸ. سوتتىڭ شەشٸمٸنە قاتىستى بٸز پٸكٸر بٸلدٸرە المايمىز. دەگەنمەن, مەنٸڭ ايتارىم, ٶڭٸردەگٸ بارلىق مەملەكەتتٸك ورگاندار ونىڭ ٸشٸندە, قۇقىققورعاۋ ورگاندارى بالالارعا قارسى زورلىق جەنە سۋيتسيد پروبلەماسىمەن جۇمىلا كٷرەسۋگە دايىن. بۇل, بٸزدٸڭ عانا ايماقتىڭ مەسەلەسٸ ەمەس. ونىمەن كٷرەسۋدٸڭ تيٸمدٸ ەدٸس-تەسٸلٸن تاڭداۋ كەرەك. سوندىقتان بٸزدٸڭ ٶڭٸردە بۇل مەسەلە جٸتٸ باقىلاۋدا», - دەدٸ ٶ. شٶكەەۆ بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ودان بٶلەك, وبلىس باسشىسى ٶڭٸردەگٸ جەمقورلىق مەسەلەسٸن سٶز ەتتٸ.
«ەل اراسىندا بٸزدٸڭ ٶڭٸردە مۇعالٸم نەمەسە ەدەن جۋۋشى بولىپ جۇمىسقا تۇرۋ ٷشٸن پارا بەرۋ كەرەك دەگەن سىبىس تارالعان. دەگەنمەن ٶتكەن جىلدان باستاپ ەلەۋمەتتٸك مەكەمەلەردە جۇمىسقا ورنالاسۋ پروتسەسٸ ارنايى پورتال ارقىلى جٷزەگە اسىرىلادى. ياعني ەشقانداي ديرەكتور نەمەسە مەكەمە باسشىلىعىنىڭ قاتىسۋىنسىز ٶتەدٸ. سوندىقتان دا ەڭبەكپەن قامتۋدا ەدٸلدٸك پەن اشىقتىق – باستى ورىندا», - دەيدٸ ول.
ەسكە سالساق, تٷركٸستان وبلىسىنىڭ اباي اۋىلىندا مەكتەپ وقۋشىلارىنا 7 جاسار بالانى ۇرىپ-سوعىپ, زورلادى دەگەن ايىپ تاعىلىپ, قىلمىستىق ٸس قوزعالعان بولاتىن.
