Qyrǵyzstannyń burynǵy premer-ministri Ómirbek Babanovty ekonomikalyq qylmyspen kúres jónindegi memlekettik qyzmet tergeýge shaqyrdy. Bul aqparatty Azattyqtyń Qyrǵyz qyzmeti habarlady. Tergeý shamamen tórt saǵatqa sozylǵan.
Babanov odan shyqqan soń jýrnalisterge bankke bailanysty suraqtarǵa jaýap berdim degen. Buǵan deiin Qyrǵyzstannyń qarjy politsiiasy men memlekettik ulttyq qaýipsizdik qyzmeti zerttep jatqan segiz qylmystyq iske Ómirbek Babanovtyń ta qatysy bar ekeni habarlanǵan. Bul segiz qylmystyq istiń tórteýi jaily derek bar, qalǵan ister jaily memlekettik organdar da, Babanov ta aitpaǵan.
2017 jylǵy prezident sailaýynan keiin Ómirbek Babanov saiasi karerasy aiaqtalǵanyn aityp, elden ketken edi. Osy ýaqyt boiy Máskeýde turǵan eks-depýtat biyl 9 tamyzda Bishkekke oralǵan.
