قىرعىزستاننىڭ بۇرىنعى پرەمەر-مينيسترٸ ٶمٸربەك بابانوۆتى ەكونوميكالىق قىلمىسپەن كٷرەس جٶنٸندەگٸ مەملەكەتتٸك قىزمەت تەرگەۋگە شاقىردى. بۇل اقپاراتتى ازاتتىقتىڭ قىرعىز قىزمەتٸ حابارلادى. تەرگەۋ شامامەن تٶرت ساعاتقا سوزىلعان.
بابانوۆ ودان شىققان سوڭ جۋرناليستەرگە بانككە بايلانىستى سۇراقتارعا جاۋاپ بەردٸم دەگەن. بۇعان دەيٸن قىرعىزستاننىڭ قارجى پوليتسيياسى مەن مەملەكەتتٸك ۇلتتىق قاۋٸپسٸزدٸك قىزمەتٸ زەرتتەپ جاتقان سەگٸز قىلمىستىق ٸسكە ٶمٸربەك بابانوۆتىڭ تا قاتىسى بار ەكەنٸ حابارلانعان. بۇل سەگٸز قىلمىستىق ٸستٸڭ تٶرتەۋٸ جايلى دەرەك بار, قالعان ٸستەر جايلى مەملەكەتتٸك ورگاندار دا, بابانوۆ تا ايتپاعان.
2017 جىلعى پرەزيدەنت سايلاۋىنان كەيٸن ٶمٸربەك بابانوۆ ساياسي كارەراسى اياقتالعانىن ايتىپ, ەلدەن كەتكەن ەدٸ. وسى ۋاقىت بويى مەسكەۋدە تۇرعان ەكس-دەپۋتات بيىل 9 تامىزدا بٸشكەككە ورالعان.
