Kórneki foto: Qorǵanys ministrligi baspasóz qyzmeti
Qorǵanys ministri Rýslan Jaqsylyqov qazaqstandyq jastardyń áskerden qashýyn tárbiedegi olqylyqpen bailanystyrdy, dep habarlaidy Sputnik Qazaqstan.
Buǵan deiin áleýmettik jelide qazaqstandyq jastardy kóńil kóterý oryndarynan áskerge áketip jatqany týraly aqparat taraǵan edi.
Májilis kýlýarynda Qorǵanys ministri osyǵan qatysty túsinikteme berdi.
"Meniń oiymsha, búginde barlyq problema tárbiede... Balany ózi, otbasy men otany úshin jaýapkershilik ala alatyn er azamat etip tárbieleý kerek. Al eger ol túngi klýbta demalyp júrse, onda ol er azamat emes", - dep sanaidy Jaqsylyqov.
Aitýynsha, Qorǵanys ministrligi armiiadaǵy qaiǵyly oqiǵalardyń aldyn alý úshin bar kúsh-jigerin salyp jatyr.
"Ómir degen jizn. Ómirde bári bolady. Men sizderge bir ǵana nárse aitqym keledi: adamdarmen jumys isteitinder bul ómirde eshteńeden saqtandyrylmaǵan. Biraq Qarýly kúshter basshylyǵy negativti jaǵdailardy boldyrmas úshin barlyq sharany qolǵa alyp jatyr", - dep sendirdi ministr.
video: Tengrinews.kz
