Reseilik dáriger Aleksandr Miasnikov koronavirýstyń "omikron" shtamyn juqtyrǵan adamdarǵa úide emdelýge keńes berdi, dep habarlaidy Sputnik Qazaqstan.
"Omikron" shtamy – bul kádimgi jedel respiratorlyq aýrý. Ony juqtyrǵan adamdar úide emdeleýi kerek. Sebebi aýrýhanada "delta" shtamy juǵýy múmkin. "Omikron" shtamyna shaldyqqandardy úide jai oqshaýlaý qajet. Men "emdeý kerek" dep otyrǵan joqpyn. Jedel respiratorlyq aýrýlar emdelmeidi. Tek oqshaýlaný kerek", - dedi Miasnikov "Vecherniaia Moskva" gazetine bergen suhbatynda.
Onyń oiynsha, álem boiynsha adamzattyń 60-79 protsenti koronavirýstyń "omikron" shtamymen aýyryp shyǵady. Al genetikalyq turǵyda infektsiialarǵa qarsy tura alatyn jáne immýniteti myqty adamdar aýyrmai júre beredi.
Aita keteri, ótken jyly qarashanyń sońynda Botsvana men Ońtústik Afrika respýblikasynda koronavirýstyń B.1.1.529 jańa shtamy anyqtaldy. Onyń quramynda jasýshalardy zaqymdaityn S-aqýyzynda ondaǵan mýtatsiia bar. B.1.1.529 shtamy bastapqyda immýniteti qatty álsiregen adamnyń aǵzasynda paida boldy degen boljam bar.
Dúniejúzilik densaýlyq saqtaý uiymy jańa shtamǵa grek alfavitindegi 15-shi áriptiń ataýyn berip, ony "omikron" dep atady.
Sarapshylar vaktsina salǵyzǵan jáne aýyryp qaita jazylǵandar da jańa shtamdy juqtyrýy yqtimal ekenin aitty. Sharshańqylyq, bas aýrýy, deneniń qurysýy "omikronǵa" tán simptom.
