Foto ©REUTERS
Koronavirýstyń jańa "omikron" shtamy "delta" nusqasyna qaraǵanda juqpaly. Bul týraly densaýlyq saqtaý birinshi vitse-ministri Marat Shoranov aitty, - dep habarlaidy Tengrinews.kz agenttigi.
30 qarashada premer-ministrdiń orynbasary Eraly Toǵjanov COVID-19 taratpaý jónindegi vedomstvoaralyq komissiia otyrysyn ótkizdi. Onda Qazaqstanǵa "omikron" shtamynyń (v.1.1.529) ákelinýine jáne taralýyna jol bermeý sharalary talqylandy.
Qazaqstan densaýlyq saqtaý birinshi vitse-ministri Marat Shoranov qolda bar derekterge sáikes "omikron" shtamy tez juǵatyny jáne aýyryp jazylǵan jáne ekpe alǵan adamdardyń qorǵanysh antidenelerine tózimdiligi týraly aitty.
Sonymen qatar, ol Qazaqstandaǵy epidemiologiialyq jaǵdai turaqty, reprodýktiv sany bireýden az ekenin atap ótti.
"DDSU bul nusqa alańdaýshylyq týdyratynyn aitty. Aldyn ala málimet boiynsha, koronavirýstyń basqa túrlerimen salystyrǵanda, "omikron" nusqasy "delta" shtamyna qaraǵanda juqpaly, 20-30 jas aralyǵyndaǵy adamdarǵa áser etedi, sonymen qatar qaita juqtyrý qaýpi de baiqalady", - dedi vitse-ministr.
Buǵan deiin Qazaqstanda 3 jeltoqsannan bastap koronavirýstyń jańa shtamyna bailanysty shekteýler engiziletini habarlanǵan bolatyn.
