فوتو ©REUTERS
كوروناۆيرۋستىڭ جاڭا "وميكرون" شتامى "دەلتا" نۇسقاسىنا قاراعاندا جۇقپالى. بۇل تۋرالى دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ ايتتى, - دەپ حابارلايدى Tengrinews.kz اگەنتتٸگٸ.
30 قاراشادا پرەمەر-مينيستردٸڭ ورىنباسارى ەرالى توعجانوۆ COVID-19 تاراتپاۋ جٶنٸندەگٸ ۆەدومستۆوارالىق كوميسسييا وتىرىسىن ٶتكٸزدٸ. وندا قازاقستانعا "وميكرون" شتامىنىڭ (ۆ.1.1.529) ەكەلٸنۋٸنە جەنە تارالۋىنا جول بەرمەۋ شارالارى تالقىلاندى.
قازاقستان دەنساۋلىق ساقتاۋ بٸرٸنشٸ ۆيتسە-مينيسترٸ مارات شورانوۆ قولدا بار دەرەكتەرگە سەيكەس "وميكرون" شتامى تەز جۇعاتىنى جەنە اۋىرىپ جازىلعان جەنە ەكپە العان ادامداردىڭ قورعانىش انتيدەنەلەرٸنە تٶزٸمدٸلٸگٸ تۋرالى ايتتى.
سونىمەن قاتار, ول قازاقستانداعى ەپيدەميولوگييالىق جاعداي تۇراقتى, رەپرودۋكتيۆ سانى بٸرەۋدەن از ەكەنٸن اتاپ ٶتتٸ.
"ددسۇ بۇل نۇسقا الاڭداۋشىلىق تۋدىراتىنىن ايتتى. الدىن الا مەلٸمەت بويىنشا, كوروناۆيرۋستىڭ باسقا تٷرلەرٸمەن سالىستىرعاندا, "وميكرون" نۇسقاسى "دەلتا" شتامىنا قاراعاندا جۇقپالى, 20-30 جاس ارالىعىنداعى ادامدارعا ەسەر ەتەدٸ, سونىمەن قاتار قايتا جۇقتىرۋ قاۋپٸ دە بايقالادى", - دەدٸ ۆيتسە-مينيستر.
بۇعان دەيٸن قازاقستاندا 3 جەلتوقساننان باستاپ كوروناۆيرۋستىڭ جاڭا شتامىنا بايلانىستى شەكتەۋلەر ەنگٸزٸلەتٸنٸ حابارلانعان بولاتىن.
