Qazir ainalymda júrgen koronavirýstyń omikron nusqasy burynǵy shtamdarǵa qaraǵanda 3-5 ese juqpaly. Bul týraly onlain brifing barysynda S. Asfendiiarov atyndaǵy Qazaq ulttyq meditsina ýniversitetiniń juqpaly jáne tropikalyq aýrýlar kafedrasynyń professory Kúlásh Qurmanova aitty, dep habarlaidy QazAqparat.
Meditsina ǵylymdarynyń doktory omikronnyń taralýy popýliatsiiada «ujymdyq immýnitettiń» tezirek qalyptasýyna yqpal etedi jáne koronavirýstyń basqa ainalymdaǵy shtamdaryn yǵystyrady dep sanaidy.
Sonymen qatar, ol delta shtamymen aýyrǵandardyń nege omikron juqtyratynyn túsindirdi.
«Delta shtamynan aýyr zardap shekken patsientterdiń bir bóligi virýsqa qarsy qorǵanys antidenesin shyǵarýǵa jaýap beretin jasýshalyq immýnitetti kúrt tómendetedi, sondyqtan olar koronavirýstyń basqa shtamdarymen salystyrǵanda juqpaly omikronmen qaita aýyrýy múmkin», - deidi professor.
Kúlásh Qurmanova koronavirýs simptomdary bar Almaty turǵyndarynyń PTR-testileýden ótýi, ainalasyndaǵylarǵa juqtyrmaýy úshin ýaqytynda oqshaýlanýy óte mańyzdy ekenin tilge tiek etti.
«Eger adam koronavirýs infektsiiasyn jeńil túrde juqtyrsa, onda ol detoksikatsiia úshin kóp suiyqtyq ishýi kerek. Virýstyq infektsiia úshin antibiotik ishý durys emes. Olardy dáriger bakteriialyq infektsiia qosylǵan kezde ǵana taǵaiyndaidy», - dedi spiker.
Onyń aitýynsha, omikron tynys alý joldary ǵana emes, sonymen qatar immýndyq júieniń jasýshalaryna da áser etedi.
Bul Covid-Long dep atalatyn kópjúieli qabyný reaktsiiasyn týdyrady, sonymen qatar jasyryn infektsiialar kúshine enedi.
Sondyqtan aǵzany qorǵaý úshin vaktsinatsiia óte mańyzdy.
