Foto: Elena Latypova
Ombydaǵy áskeri komissariat ǵimaratyn órtegen qazaqstandyq sottaldy, - dep habarlaidy Tengrinews.kz saity jergilikti ngs55.ru basylymyna silteme jasap.
Resei Federaldyq qaýipsizdik qyzmetiniń Omby oblysy boiynsha baspasóz qyzmeti ókilderiniń aitýynsha, qazaqstandyq Telegram-da anonim habarlama alǵan. Belgisiz qoldanýshy oǵan 6 million teńgege Ombydaǵy áskeri komissariat ǵimaratyn órtep jiberýdi usynǵan. Er adam óziniń tanysymen birge Qazaqstannan Ombyǵa kelip, Molotov kokteilderin jasap, áskeri komissariat ǵimaratyna shabýyl jasap, birden Reseiden ketip qalǵan. Olar ýáde etilgen "syidy" almaǵan.
Keiin qazaqstandyq Resei shekarasyn taǵy bar kesip ótpek bolǵanda ony FQQ ustaǵan. Oǵan Resei Federatsiiasy Qylmystyq kodeksiniń 205-baby 2-bóligi boiynsha aiyp taǵyldy.
1-shi Shyǵys okrýgtik áskeri soty qazaqstandyqqa jazasyn 13 jyl qatań rejimdegi koloniiada, onyń alǵashqy 3 jylyn túrmede óteýge sheshim shyǵarǵan. Ekinshi sybailasy izdeýde.
