فوتو: ەلەنا لاتىپوۆا
ومبىداعى ەسكەري كوميسساريات عيماراتىن ٶرتەگەن قازاقستاندىق سوتتالدى, - دەپ حابارلايدى Tengrinews.kz سايتى جەرگٸلٸكتٸ ngs55.ru باسىلىمىنا سٸلتەمە جاساپ.
رەسەي فەدەرالدىق قاۋٸپسٸزدٸك قىزمەتٸنٸڭ ومبى وبلىسى بويىنشا باسپاسٶز قىزمەتٸ ٶكٸلدەرٸنٸڭ ايتۋىنشا, قازاقستاندىق Telegram-دا انونيم حابارلاما العان. بەلگٸسٸز قولدانۋشى وعان 6 ميلليون تەڭگەگە ومبىداعى ەسكەري كوميسساريات عيماراتىن ٶرتەپ جٸبەرۋدٸ ۇسىنعان. ەر ادام ٶزٸنٸڭ تانىسىمەن بٸرگە قازاقستاننان ومبىعا كەلٸپ, مولوتوۆ كوكتەيلدەرٸن جاساپ, ەسكەري كوميسساريات عيماراتىنا شابۋىل جاساپ, بٸردەن رەسەيدەن كەتٸپ قالعان. ولار ۋەدە ەتٸلگەن "سىيدى" الماعان.
كەيٸن قازاقستاندىق رەسەي شەكاراسىن تاعى بار كەسٸپ ٶتپەك بولعاندا ونى فقق ۇستاعان. وعان رەسەي فەدەراتسيياسى قىلمىستىق كودەكسٸنٸڭ 205-بابى 2-بٶلٸگٸ بويىنشا ايىپ تاعىلدى.
1-شٸ شىعىس وكرۋگتٸك ەسكەري سوتى قازاقستاندىققا جازاسىن 13 جىل قاتاڭ رەجيمدەگٸ كولونييادا, ونىڭ العاشقى 3 جىلىن تٷرمەدە ٶتەۋگە شەشٸم شىعارعان. ەكٸنشٸ سىبايلاسى ٸزدەۋدە.
