Atyraý qalasynda Dinmuhamed Ahmetuly Qonaevty eske alýǵa arnalǵan voleiboldan ardagerler arasynda halyqaralyq týrnir máresine jetti, dep habarlaidy QazAqparat tilshisi.
Oblystyq sport basqarmasynyń baspasóz hatshysy Iliias Shaihievtiń aitýynsha, úsh kún boiy Ózbekstan astanasy Tashkent qalasynyń, elimizdiń Shyǵys Qazaqstan, Jambyl oblystary men Almaty, Shymkent, Aqtaý, Astana jáne Atyraý qalalarynyń myqtylary júldelerdi ózara sarapqa saldy.
Jarys jeńimpazy bolyp Almaty qalasynyń «KazNAÝ Býrevestnik» qurama komandasy tanyldy. Qazaqstannyń Eńbek Eri, aqyn, jazýshy Oljas Súleimenov bastaǵan komanda barlyq qarsylastaryn aiqyn basymdylyqpen utty.
Ekinshi oryndy Aqtaý qalasynyń «Mańǵystaý» komandasy enshilese, úzdik úshtikti Taraz qalasynyń «Ardager» komandasy qorytyndylady.
Jarystyń úzdik oiynshysy bolyp Oljas Omaruly tanyldy. 83 jastaǵy ardagerge dástúr boiynsha «at» mingizildi. Osymen onynshy márte uiymdastyrylǵan týrnirge jarys qonaqtary joǵary baǵasyn berdi.
Jarystyń ashylý saltanatynda Halyq jazýshysy 90 jasqa kelgenshe voleibol oinaǵysy keletinin aityp ótti.
«Batyrlar eline kelgende barlyq marapatymdy ysyryp qoiyp, osy bir tósbelgini taǵýdy uiǵardym. Sebebi bul maǵan degen kúlli Batys óńiriniń jasaǵan qurmeti», - deidi Oljas Omaruly.
