Memleket basshysynyń tapsyrmasy boiynsha Qazaqstan Respýblikasynyń Premer-Ministri Oljas Bektenov qysqa merzimdi jumys saparymen Qyrǵyz Respýblikasyna bardy, dep habarlaidy "Ult aqparat".
Bishkekte Qazaqstan Úkimetiniń basshysyn Qyrǵyzstan Prezidenti Sadyr Japarov qabyldady.
Oljas Bektenov Memleket basshysy Qasym-Jomart Toqaevtyń sálemin jetkizip, Qazaqstan Úkimeti ekijaqty saýda-ekonomikalyq yntymaqtastyqty odan ári damytý úshin bar kúsh-jigerdi jumsaýǵa daiyn ekenin bildirdi.
Qyrǵyzstan Ministrler kabinetiniń tóraǵasy – Prezident Ákimshiliginiń basshysy Aqylbek Japarovpen úkimettik deńgeidegi kelissóz barysynda Prezident Sadyr Japarovtyń Qazaqstanǵa aldaǵy resmi saparyna daiyndyq máselesi qaraldy.
Taraptar ózara taýar ainalymyn $2 mlrd-qa deiin ulǵaitý jónindegi birlesken sharalardy talqylady. Onyń ishinde eki eldiń saýda-ekonomikalyq yntymaqtastyǵyn nyǵaitýǵa baǵyttalǵan naqty jobalarǵa nazar aýdaryldy.
Qazaqstan $260 mln somasyna 195 taýar pozitsiiasy boiynsha eksportty ulǵaitýǵa daiyn.
Azyq-túlik, ónerkásip, munai-himiia, qurylys, farmatsevtika jáne basqa da salalardyń áleýeti zor.
Sondai-aq buǵan shekara mańynda Indýstriialyq saýda-logistikalyq keshen qurý týraly josparlar da yqpal etedi.
Atalǵan jobanyń iske qosylýy mýltiplikativti áserge ie bolyp, saýda-ekonomikalyq jáne investitsiialyq bailanystarǵa qosymsha serpin beredi.
Aýyl sharýashylyǵyndaǵy yntymaqtastyqtyń áleýetin tolyqqandy ashý úshin eki eldiń úkimetteri ónimderdiń ózara tasymalyn ulǵaitý jáne birlesken jobalardy iske qosý jóninde sharalar qabyldaityn bolady, sondai-aq eki eldiń ǵylymi-zertteý institýttary men agrarlyq joǵary oqý oryndary arasyndaǵy belsendi ózara is-qimyl jalǵasady.
Oljas Bektenov 2024 jylǵy vegetatsiialyq kezeńde memleketaralyq paidalanýdaǵy sý sharýashylyǵy obektileriniń jumys rejimderin bekitýdiń mańyzyn atap ótti.
Sonymen qatar taraptar qazaq-qyrǵyz shekarasynyń ótkizý qabiletin jáne júk tasymaldaýshylar úshin tranzitti tartymdy etý baǵytynda atqarylyp jatqan jumys qarqynyn atap ótti.
Qazaqstannyń tranzittik kólik áleýetin damytýdyń 2030 jylǵa deiingi tujyrymdamasyna sáikes «Qarasý», «Besaǵash», «Aýhatty», «Sartóbe» «Aisha bibi», «Sypatai batyr», «Kegen» ótkizý beketterin salý jáne rekonstrýktsiialaý kózdelip otyr.
Kezdesý barysynda taraptar bilim, mádeniet jáne týrizm salalaryndaǵy ózara is-qimyl máselelerin de talqylady.
Kelissóz qorytyndysy boiynsha eki eldiń memleket basshylary qoiǵan mindetterdiń barlyǵyn tolyq kólemde iske asyrýǵa jáne qazaq-qyrǵyz yntymaqtastyǵyn jańa deńgeige kóterýge daiyndyq máselesi naqtylandy.
