Foto: Ukimet
Premer-ministr Oljas Bektenov otandyq aýyl sharýashylyǵy taýaryn óndirýshilermen kezdesý ótkizdi. Onda agroónerkásip keshenin damytýdyń ózekti máseleleri, kóktemgi dala jumystarynyń barysy, sharýalardy qoldaý sharalary, sondai-aq qosymsha pysyqtaýdy qajet etetin ózara is-qimyl baǵyttary talqylandy, dep habarlaidy Ult.kz.
Memleket basshysynyń Ulttyq quryltai otyrysynda alǵa qoiǵan mindetine sáikes, aldaǵy bes jylda aýyl sharýashylyǵy óniminiń jalpy óndirisin eki ese arttyrýdyń keleshegi qaraldy.
Kezdesý basynda sóz alǵan Oljas Bektenov Úkimet agrarlyq sektorǵa belsendi túrde qoldaý kórsetip otyrǵanyn atap ótti.
«Prezident qoldaýynyń arqasynda aýyl sharýashylyǵyna erekshe kóńil bólinýde. Memleket basshysy atap ótkendei, elimizdiń azyq-túlik qaýipsizdigi óziniń qundylyǵyn eshqashan joimaidy.
Bizdiń jaǵdaiymyzda jeńildetilgen qarjylandyrý úshin 700 mlrd teńge tabý ońai emes, alaida, biz muny iske asyryp jatyrmyz jáne qoldaýdyń bul túrin odan ári arttyra beremiz. Qazirgi qoldanystaǵy tetikterdiń barlyǵy jalǵasyn tabady. Nátijesi de joǵary bolyp, biz básekege qabiletti aýyl sharýashylyǵyn qura alamyz degen senim bar», — dep atap ótti Premer-ministr.
Aýyl sharýashylyǵy ministri Aidarbek Saparov sharýalardy qoldaý sharalaryn keńeitý boiynsha júrgizilip jatqan jumystar týraly baiandady:
➤ egis naýqanyn jeńildikpen qarjylandyrý kólemi ótken jyly 580 mlrd teńgege deiin jáne nesieleýdi merziminen buryn iske qosý arqyly biyl rekordtyq 700 mlrd teńgege deiin artty (buryn qarjylandyrý 140 mlrd teńgeden aspaǵan). Alǵash ret kóktemgi dala jumystarynda qaryz somasynyń 85%-na deiin kepildendirýdiń arnaiy baǵdarlamasy engizildi;
➤ bir jyl ishinde qarjylandyrý kólemin 80 mlrd teńgege ulǵaitý arqyly 5%-ben 200 mlrd teńgege deiin jetkizý aýyl sharýashylyǵy tehnikasy lizinginiń qoljetimdiligi artty, bul rette tehnikanyń ózi – kepil, al jarna investitsiialyq sýbsidiia bola alady;
➤ Azyq-túlik korporatsiiasyna forvardtyq satyp alýlarǵa 30 mlrd teńge, geografiia ne keńeitý úshin eksporttyq shyǵystardy sýbsidiialaýǵa 40 mlrd teńge bólindi;
➤ qaita óńdeý kásiporyndaryna ainalym qarajatyn tolyqtyrý úshin nesie berý ótken jyldan bastaldy. Nesieleý kólemi 35 mlrd teńgeni quraidy. Biyl bul maqsattarǵa 48 mlrd teńge bólý mindeti tur. Ainalym maqsattary úshin jeńildikti nesieler qaita óńdeýdi júkteýge múmkindik beredi.
Sonymen qatar Úkimet aýyl turǵyndaryn jyl boiy jumyspen qamtamasyz etetin sala retinde mal sharýashylyǵyn damytýǵa erekshe kóńil bólip otyr. Osylaisha, mal bordaqylaý alańdary úshin qoldaý quraldary ázirlenýde, jeńildikpen nesie berý jáne sýbsidiialardyń jeńil ákimshilendiriletin túrleriniń paidasyna selektsiialyq-asyl tuqymdyq jumysty sýbsidiialaý qaita qaralady.
