Foto: QR Úkimeti
Búgin Úkimet otyrysynda Premer-Ministr Oljas Bektenov órtke qarsy sharalardy baiaý júrgizip jatqan óńirlerdi atady, dep habarlaidy "Ult aqparat".
Premer-Ministr mamyr aiyndaǵy Úkimet otyrysynda ákimdikterge órtke qarsy barlyq qajetti daiyndyq sharalaryn júrgizýdi tapsyrǵanyn eske saldy.
"Alaida, keibir oblystarda atalǵan jumys óz deńgeiinde júrgizilmei otyr. Máselen, Abai, Jetisý, Qaraǵandy, Qostanai jáne Pavlodar oblystarynda sý kózderiniń túbin tereńdetý jumystary júrgizilgen joq. Qostanai, Abai jáne Ulytaý oblystarynda otyn qorymen qamtamasyz etý máseleleri tolyq sheshilmei otyr. Qostanai oblysynda órttiń aldyn alý jáne sóndirý jónindegi tiisti jedel shtab ýaqtyly qurylmaǵan. Aqmola, Atyraý, Soltústik Qazaqstan jáne Ulytaý oblystarynda órtke qarsy jer jyrtý jumystary baiaý júrip jatyr. Onsyz dala nemese orman órtterin aýyzdyqtaý qiyn bolady", — dedi Úkimet basshysy.
Onyń atap ótýinshe, Aqtóbe, Atyraý jáne Soltústik Qazaqstan oblystarynyń aýyldaryn qýraǵan ósimdikter men qoqystardan tazartý jumystary áli aiaqtalmaǵan.
"Óńir ákimderi osy máselelermen tikelei ainalysýy qajet", — dedi Oljas Bektenov.
