Foto: primeminister.kz
Qurylysshy kúni qarsańynda Premer-ministr Oljas Bektenov Memleket basshysy Qasym-Jomart Toqaevtyń atynan sala mamandary men ardagerlerin kásibi merekelerimen quttyqtap, memlekettik nagradalar tabys etti, dep habarlaidy Ult.kz.
2025 jyly Jumysshy mamandyqtary jyly aiasynda Prezident tapsyrmasyna sáikes, memlekettik nagradalar júiesine alǵash ret «Qazaqstannyń eńbek sińirgen qurylysshysy» qurmetti ataǵy engizildi.
«Memleket basshysy adami kapitaldy damytýǵa erekshe kóńil bólip otyr. Prezident jariialaǵan Jumysshy mamandyqtary jyly eńbek adamynyń bedelin arttyrýdy kózdeidi. Memleket basshysy adal ári tabandy eńbegimen tabysqa jetken adamdar qashanda qurmetti, syily bolýy kerek ekenin atap kórsetti. Bul – sizderdiń eńbekterińizdi memlekettik deńgeide baǵalaý men naqty qoldaýdyń shynaiy kórinisi. Úkimet tarapynan aldaǵy ýaqytta da otandyq qurylys salasynyń investitsiialyq tartymdylyǵyn arttyrýǵa, qajetti infraqurylymdy damytýǵa jáne biznes úshin qolaily jaǵdailar jasaýǵa basymdyq beriledi. Biz jańa tehnologiialardy engizý jáne kásibi standarttardy jetildirýge jaǵdai jasaýdy jalǵastyramyz», — dep atap ótti Oljas Bektenov.
Sóz barysynda Premer-ministr eldiń ekonomikalyq ósýin qamtamasyz etýdegi qurylys sektorynyń mańyzdylyǵyn atap ótti. Búgingi tańda Qazaqstannyń JIÓ-degi salanyń úlesi 6%-ǵa jetedi. Ótken jyldyń qorytyndysy boiynsha 19 mln m2 astam, onyń ishinde 170 myńnan astam turǵyn úi nysandary paidalanýǵa berildi. Osy jyldyń birinshi jartyjyldyǵynda – 120-dan astam mektep pen balabaqsha, 30 densaýlyq saqtaý nysany salyndy. Jalpy qurylys jumystarynyń kólemi 2025 jyldyń basynan beri 18%-ǵa ósti.
Prezident qoiǵan qurylys úderisterin jańǵyrtý jónindegi mindetterdi oryndaý sheńberinde tsifrlyq sheshimderdi engizý, biýrokratiialyq kedergilerdi joiý jáne salanyń kadrlyq áleýetin nyǵaitý jónindegi ózekti tásilderdi kórsetetin jańa qurylys kodeksi ázirlendi.
Jiynda marapattalǵandardyń atynan qurylys salasynyń ardager Qaisar Omarov pen «SAPITAL GROUP ST» JShS injeneri Baýyrjan Mahan sóz sóiledi. Qurylys sektorynyń qyzmetkerleri Memleket basshysyna olardyń eńbegin joǵary baǵalap, jumysshy mamandyqtaryn damytýǵa kóńil bólgeni úshin alǵys bildirdi.
«Mereke qarsańynda Memleket basshysyna "Qazaqstannyń eńbek sińirgen qurylysshysy" ataǵy qaitadan memlekettik nagradaǵa ainalǵany úshin zor alǵysymdy bildirgim keledi. Bul bizge, qurylysshylarǵa degen erekshe qurmet», — dep atap ótti «Qazaqstannyń eńbek sińirgen qurylysshysy» qurmetti ataǵymen marapattalǵan Qaisar Omarov.
«Búgingi marapat – uzaq jylǵy eńbektiń nátijesi jáne qurylys salasynyń barlyq ókilderi úshin zor qurmet. Biz Memleket basshysynyń qurylys salasyna kórsetken qoldaýyna rizashylyǵymyzdy bildirip, shyn júrekten alǵys aitamyz. Elimizge beibitshilik pen tynyshtyq tileimin. Qurylysshy kúni qutty bolsyn», — dep tolyqtyrdy «SAPITAL GROUP ST» JShS injeneri Baýyrjan Mahan.
Qurylys salasyn damytýǵa qosqan úlesi úshin Oljas Bektenov úzdik qyzmetkerlerge Prezident atynan marapattar tabys etti.
Marapattalǵandar:
«Parasat» ordenimen
Vladimir Liýtov – «Qazqurylysjúie» JShS bas direktorynyń keńesshisi
Qasymqumar Ybyraimov – «Memsaraptama» RMK Jobalardy saraptaý basqarmasy óndiristik bóliminiń kólik sektorynyń sarapshysy, Astana qalasy
Muratbek Ryspaev – «Qazqurylysjúie» JShS bas direktorynyń keńesshisi
«Qazaqstannyń eńbek sińirgen qurylysshysy» qurmetti ataǵymen
Qaisar Omarov – qurylys salasynyń ardageri, Astana qalasy
«Qurmet» ordenimen
Muratbek Baiteliev – «Núri-L-Jetisai» JShS direktory, Túrkistan oblysy
Erqanat Dúisekenov – «Vita» JShS quryltaishysy, Pavlodar oblysy
Anar Masanova – «Memsaraptama» RMK sarapshysy, Astana qalasy
Áset Muqaev – «NS Júie» JShS bas direktory, Qaraǵandy oblysy
Serjan Námetsha – qurylys salasynyń ardageri, Qyzylorda oblysy
Serikpai Rýstanbekov – «Memsaraptama» RMK sarapshysy, Mańǵystaý oblysy
Marat Ybraev – «Alýa Qurylys» JShS ýchaske bastyǵy, Aqmola oblysy
III dárejeli «Eńbek Dańqy» ordenimen
Murat Berikov – «Intellekt Aziia» JShS proraby, Jambyl oblysy
Baýyrjan Muhamedjanov – «ALKON+» firmasy» JShS direktorynyń orynbasary, Astana qalasy
Avez Tańsyqbaev – «Syrym Bleke» JShS avtokran mashinisi, Jambyl oblysy
«Eren eńbegi úshin» medalimen
Ermek Abaev – «ENKI» JShS ekskavator mashinisi, Aqmola oblysy
Liýdmila Golýbeva – «Sarapshylyq uiymdar palatasy» Ulttyq birlestiginiń sarapshysy, Astana qalasy
Nurken Jumaǵulov – «Otar Qurylys» JShS direktory, Túrkistan oblysy
Baqytgúl Zákenova – «Qazaqstan Respýblikasy Prezident Ákimshiligi men Úkimetiniń ákimshilik ǵimarattary direktsiiasy» RMK VI razriad sylaqshysy
Kóshken Kenjebaev – «ABK-Beton zaýyty» JShS jóndeýshi-slesary, Astana qalasy
Bátima Qojahmetova – «Alýa Qurylys» JShS smetashy-injeneri, Kókshetaý qalasy
Baýyrjan Mahan – «SAPITAL GROUP ST» JShS injeneri, Mańǵystaý oblysy
Amanǵali Omarov – «Qazbaev M.Ý.» JK proraby, Astana qalasy
Elena Sadchikova – «Memsaraptama» RMK-nyń Batys óńiri boiynsha filialy – Atyraý oblysy boiynsha departamentiniń sarapshysy
Jasqar Sátmaǵambetov – «DSK GLB» JShS óndiris bastyǵy, Astana qalasy
Anatolii Taipov – «GSÝ «Qurylys» JShS ýchaske bastyǵy, Pavlodar oblysy
