Foto: Ukimet
QR Premer-ministri Oljas Bektenov halyqaralyq sport uiymdarynyń basshylarymen kezdesý ótkizdi, dep habarlaidy Ult.kz.
Kezdesýge Ulttyq Olimpiada komitetteri qaýymdastyǵynyń jáne Qatar Olimpiada komitetiniń vitse-prezidenti Sheih Djoan Bin Hamad Bin Halifa Ál-Tani, Aziia jáne World Aquatics Olimpiada Keńesiniń bas direktory Hýsein ál-Mýsallam, Qatar Ulttyq Olimpiada komitetiniń vitse-prezidenti Tani Abdýlrahman Ál-Kaýýari qatysty.
Halyqaralyq sporttyq yntymaqtastyqty damytý, olimpiadalyq qozǵalysty qoldaý jáne kásibi ári buqaralyq sportty damytý úshin jaǵdai jasaý máseleleri talqylandy.
Qazaqstannyń halyqaralyq sport uiymdarymen sportshylardy daiarlaý jáne birlesken oqý-jattyǵý jiyndaryn ótkizý, sporttyq infraqurylymdy jańǵyrtý, sý sport túrlerin damytýdaǵy ózara is-qimyldy keńeitý bóliginde yntymaqtastyǵynyń perspektivalary qaraldy. Sporttyq kooperatsiia buqaralyq sportty nasihattaýda mańyzdy ról atqaratyny atap ótildi.
