Foto: Kursiv.kz
Antikordyń burynǵy basshysy Oljas Bektenov Prezident Ákimshiliginiń Basshysy qyzmetine taǵaiyndaldy, - dep habarlaidy "Ult aqparat" Aqordanyń resmi saityna silteme jasap.
"Oljas Abaiuly Bektenov Qazaqstan Respýblikasy Prezidenti Ákimshiliginiń Basshysy bolyp taǵaiyndalsyn, ol Qazaqstan Respýblikasynyń Sybailas jemqorlyqqa qarsy is-qimyl agenttigi (Sybailas jemqorlyqqa qarsy qyzmettiń) tóraǵasy laýazymynan bosatylsyn", - delingen Jarlyq mátininde.
Bektenov 1980 jyly 13 jeltoqsanda Almaty qalasynda týǵan.
Qazaq memlekettik zań akademiiasyn (2001 j.) úzdik bitirgen, mamandyǵy - «Zańger».
II dárejeli «Aibyn» (2014 j.) jáne «Dańq» (2021 j.) ordenderimen nagradtalǵan.
2002-2005 jyldary Almaty qalasy Ádilet basqarmasy bóliminiń bas mamany.
2005-2006 jyldary QR Premer-Ministri Keńsesiniń zań bóliminiń sarapshysy, bas sarapshysy.
2006-2009 jyldary QR Prezidenti Ákimshiliginde jumys jasady.
2009-2012 jyldary QR Ádilet ministrliginiń Tirkeý qyzmeti jáne quqyqtyq kómek kórsetý komiteti tóraǵasynyń orynbasary.
2012-2014 jyldary QR Ekonomikalyq qylmysqa jəne sybailas jemqorlyqqa qarsy agenttiginiń (qarjy politsiiasy) ortalyq apparatynda departament bastyǵy.
2015-2016 jyldary Astana qalasy ákiminiń apparat basshysy, QR Prezidenti Ákimshiligi Basshysy Hatshylyǵynyń meńgerýshisi.
2016-2017 jyldary Sybailas jemqorlyqqa qarsy is-qimyl Ulttyq biýrosynyń (Sybailas jemqorlyqqa qarsy qyzmet) Astana qalasy boiynsha departamentiniń basshysy.
2017-2018 jyldary Aqmola oblysy ákiminiń orynbasary.
2018-2019 jyldary Qazaqstan Respýblikasynyń Memlekettik qyzmet isteri jáne sybailas jemqorlyqqa qarsy is-qimyl agenttigi Tóraǵasynyń orynbasary.
2019-2022 jyldary Qazaqstan Respýblikasynyń Sybailas jemqorlyqqa qarsy is-qimyl Agenttigi Tóraǵasynyń birinshi orynbasary.
2022 jyldyń aqpanynan bastap Qazaqstan Respýblikasynyń Sybailas jemqorlyqqa qarsy is-qimyl agenttiginiń tóraǵasy qyzmetin atqardy.
