Ánshi Saiat Medeýov jeke palataǵa shyqqannan keiingi jaǵdaiyn aityp, halin suraǵan kópshilikke alǵys bildirdi. Sondai-aq, ol ózin "ólip qaldy" dep habar taratqandarǵa jaýap berdi, - dep habarlaidy Tengrinews.kz tilshisi kznews.kz saityna silteme jasap.
"Qudaiǵa táýbá, betim beri qarady. Eń bastysy, eshkimniń basynda mundai jaǵdai bolmasyn dep tileimin. Meniń basymda bolǵanyna, Qudaiǵa shúkir. Osynyń bári menimen ketsin. Shyny kerek, ótkende qatty aýyrǵanda, osy joly da Qudaidan bir nárseni tiledim, ata-anamnyń dúnieden osyny kórmei ketkenderine shúkir dep… Endi sizderdiń amandyqtaryńyzdy tileimin. Bir jaǵy qýansam, bir jaǵy muńaidym. Ózgeniń emes, meniń basymda bolǵanyna…" - deidi Saiat Medeýov.
Ánshi jol apatynan keiin tileýin tilegen halyqqa alǵysyn aitty.
"Men qinalsam da, el qinalmasyn. Halyqtyń arasynda júrgen adamdarmyz, halyqtyń tileýiniń arqasynda amanbyz", - dedi ánshi.
