2018 jylǵy qysqy Olimpiada aiaqtala salysymen qazaqstandyq sportshylardyń qaisysy memlekettik syiaqy alatyny belgili boldy, dep habarlaidy "Ult.kz" tilshisi QazAqparatqa silteme jasap.
QR Úkimetiniń 2014 jylǵy 19 jeltoqsandaǵy qaýlysy boiynsha, Olimpiadaǵa qatysyp, eń kemi 6-oryn alǵan sportshy syiaqy ala alady. Osyǵan bailanysty biyl bul tizimge Phenchhan Olimpiadasynyń qola júldegeri, fristailshy Iýliia Galysheva men 6-oryn alǵan short-trekten erler estafeta komandasy ilinedi.
Úkimet qaýlysyna sáikes eseptegende Iýliia Galysheva memleketten 75 myń dollar alady.
Al short-trekten erler estafeta komandasyna (Abzal Ájǵaliev, Nurbergen Jumaǵaziev, Denis Nikisha, Erkebulan Shamuhanov) jalpy 20 myń dollar beriledi.
Odan bólek, sportshylardyń bapkerleri de syiaqy alady. Galyshevanyń medali úshin bapkerlerge beriletin 75 myń dollardyń 10 protsenti birinshi bapkerine, 80 protsenti jeke bapkerine, 10 protsenti osy sport túri boiynsha QR qurama komandasynyń bas bapkerine beriledi.
Al short-trekshilerdiń úsh bapkerine jalpy 15 myń dolar beriledi. Qoryta kelgende biyl Qazaqstan Olimpiadashylarǵa 185 myń dollar syiaqy beredi.
