Búgin Iordaniianyń Amman qalasynda ótip jatqan bokstan Olimpiadaǵa irikteý týrnirinde «qazaqtyń» salmaǵy atanyp ketken – 69 kelide Abylaihan Júsipov sharshy alańǵa shyǵady, dep habarlaidy "Ult aqparat".
Abylaihan Júsipovpen birge eki boksshy arýymyz da sharshy alańǵa shyǵady.
Atap aitar bolsaq, qyzdarymyzdan 69 kelidegi Valentina Halzova Ońtústik Koreia ókili Siýen Choimen judyryqtasady. 75 kelidegi Nadejda Riabets ózbekstandyq Navbahor Hamidovamen kezdesedi.
Úsh boksshymyz da Nur-Sultan ýaqytymen 21:00-de bastalatyn keshki sessiiada óner kórsetedi.
Esterińizge sala keteiik, osyǵan deiin Ǵalymbek Kenjebaev baptaityn erler quramasynan úsh boksshy sharshy alańǵa shyǵyp, úsheýi de alǵashqy aiqastaryn jeńispen bastaǵan bolatyn. Olar – 63 keli salmaqta Zákir Safiýllin, 81 keli salmaqta el namysyn qorǵap jatqan Bekzat Nurdáýletov jáne 75 keli salmaqta judyryqtasqan Ábilhan Amanqul.
Al Erik Alǵabek jattyqtyratyn qyzdar komandasynan alǵashqy jarys kúni eki boksshy qyzymyz alǵashqy jekpe-jekterine shyǵyp, ekeýi de birinshi aiqastarynda qarsylastarynan utyldy. Atap aitsaq, litsenziia úshin talasty birinshi bolyp bastaǵan Dámetken Kelimbet (57 keli) qytailyq In Iýnhýaǵa jol berse, Rimma Volosenko (60 keli) úndistandyq Simrandjitkaýr Baattan jeńildi.
