بٷگٸن يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە «قازاقتىڭ» سالماعى اتانىپ كەتكەن – 69 كەلٸدە ابىلايحان جٷسٸپوۆ شارشى الاڭعا شىعادى, دەپ حابارلايدى "ۇلت اقپارات".
ابىلايحان جٷسٸپوۆپەن بٸرگە ەكٸ بوكسشى ارۋىمىز دا شارشى الاڭعا شىعادى.
اتاپ ايتار بولساق, قىزدارىمىزدان 69 كەلٸدەگٸ ۆالەنتينا حالزوۆا وڭتٷستٸك كورەيا ٶكٸلٸ سيۋەن چويمەن جۇدىرىقتاسادى. 75 كەلٸدەگٸ نادەجدا ريابەتس ٶزبەكستاندىق ناۆباحور حاميدوۆامەن كەزدەسەدٸ.
ٷش بوكسشىمىز دا نۇر-سۇلتان ۋاقىتىمەن 21:00-دە باستالاتىن كەشكٸ سەسسييادا ٶنەر كٶرسەتەدٸ.
ەستەرٸڭٸزگە سالا كەتەيٸك, وسىعان دەيٸن عالىمبەك كەنجەباەۆ باپتايتىن ەرلەر قۇراماسىنان ٷش بوكسشى شارشى الاڭعا شىعىپ, ٷشەۋٸ دە العاشقى ايقاستارىن جەڭٸسپەن باستاعان بولاتىن. ولار – 63 كەلٸ سالماقتا زەكٸر سافيۋللين, 81 كەلٸ سالماقتا ەل نامىسىن قورعاپ جاتقان بەكزات نۇردەۋلەتوۆ جەنە 75 كەلٸ سالماقتا جۇدىرىقتاسقان ەبٸلحان امانقۇل.
ال ەرٸك العابەك جاتتىقتىراتىن قىزدار كومانداسىنان العاشقى جارىس كٷنٸ ەكٸ بوكسشى قىزىمىز العاشقى جەكپە-جەكتەرٸنە شىعىپ, ەكەۋٸ دە بٸرٸنشٸ ايقاستارىندا قارسىلاستارىنان ۇتىلدى. اتاپ ايتساق, ليتسەنزييا ٷشٸن تالاستى بٸرٸنشٸ بولىپ باستاعان دەمەتكەن كەلٸمبەت (57 كەلٸ) قىتايلىق ين يۋنحۋاعا جول بەرسە, ريمما ۆولوسەنكو (60 كەلٸ) ٷندٸستاندىق سيمراندجيتكاۋر بااتتان جەڭٸلدٸ.
