QR Mádeniet jáne sport vitse-ministri Erlan Qojaǵapanov Tokioda ótetin Olimpiadaǵa baratyn sportshylardyń qandai vaktsina saldyrǵanyn aityp berdi, dep habarlaidy "Ult aqparat".
«Litsenziia iegerleriniń shamamen 80 paiyzy vaktsina saldyrdy, áli de vaktsinalaý jumysy jalǵasyp jatyr», - dedi Erlan Qojaǵapanov Ortalyq kommýnikatsiialar qyzmetinde ótken baspasóz máslihatynda.
Vitse-ministr bizdiń sportshylardyń shekaradan ótý máselesi is júzinde sheshilgenin atap ótti.
«Qazaqstandyq sportshylar qabyldaǵan negizgi vaktsina – «Spýtnik V» bolyp otyr, sondai-aq sportshylar jiyn ótip jatqan qalalar boiynsha vaktsina alyp jatyr, kei jerde Pfizer, kei jerde AstraZeneca, al endi bir jerde Moderna salǵyzýda», - dep túsindirdi Erlan Qojaǵapanov.
