Olimpiadada grek-rim men erkin kúresten Qazaqstan namysyn kimder qorǵaityny belgili boldy, dep habarlaidy "Ult aqparat". Mádeniet jáne sport ministrligine silteme jasap.
Biyl XXXII jazǵy Olimpiadada erkin kúres 1-7 tamyz, grek-rim kúresinen básekeler 1-4 tamyz aralyǵynda ótedi. Erkin kúresten erler alty, áielder alty salmaqta, grek-rim kúresinen 6 salmaqta tek erler arasyndaǵy myqty sportshyny anyqtaidy. Jalpy 18 júlde jiyntyǵy sarapqa salynady.
Tokio Olimpiadasynda erkin kúres pen grek-rim dodasyn 1989 jyly 9 qazanda ashylǵan «Makýhari Messe» konferents-ortalyǵy qabyldaidy. Sonymen qatar bul keshende taekvondo (A zaly) men semserlesý (V zaly) sportynan da dodalar ótedi. Túrli kezdesý men kórme ótkizýge arnalǵan nysan tribýnasyna 6 myńnan 8 myńǵa deiin jankúier siiady.
Grek-rim kúresi
Grek-rim kúresi 1986 jyly Afinada ótken alǵashqy olimpiia oiyndarynan bastap 2016 jylǵa deiingi aralyqta tek erler arasynda 27 ret ótipti. Biyl Japoniia astanasynda erler ǵana baq synaidy. Osy aralyqta qatysqan 101 memlekettiń 47-sinde júlde bar. Jalpy 2649 atlet 601 medaldi (193 altyn, 195 kúmis, 213 qola) sarapqa salǵan.
Júlde boiynsha kósh basynda turǵan quramalar:
1. KSRO – 60 (34 altyn, 16 kúmis, 10 qola);
2. Shvetsiia – 58 (20+17+21);
3. Finliandiia – 58 (18+21+19);
4. Majarstan – 39 (16+12+11);
5. Resei – 26 (12+7+7);
...
31. Qazaqstan – 6 (1+1+4);
Erkin kúres
Erkin kúres alǵash ret Olimpiada baǵdarlamasyna 1904 jyly AQSh-tyń Sent-Lýis qalasynda qosylǵan. Al áielder arasynda 2004 jyldan bastap ótkizilip keledi. Tokioda 27-shi ret bul sport túrinen tórt jyldyq basty dodasynda atletter jarys kórkin qyzdyrady. Osy ýaqytqa deiin jalpy 120 memlekettiń bozkilem sheberi baq synap, 52 el júldege ie bolǵan.
Júlde boiynsha kósh basynda turǵan elder:
1. AQSh quramasy – 113 medal (49 altyn, 36 kúmis, 28 qola)
2. KSRO – 56 (28+15+13)* qazir Resei quramasynyń nátijesi bólek esepteledi
3. Japoniia – 56 (28+14+14)
4. Túrkiia – 39 (18+12+9)
5. Resei – 34 (17+9+8)
...
30. Qazaqstan – 11 (4 kúmis, 7 qola);
Barlyǵy 2 926 sportshy qatysyp, 683 júlde jiyntyǵy sarapqa salynǵan (216 altyn men kúmis, 251 qola).
Erkin kúresten 2019 jylǵy Álem chempionatynyń qorytyndysy boiynsha olimpiada joldamasyn ielengen sportshylar:
1. Nurislam Sanaev (2014 jylǵa deiingi esimi – Artas Sanaa) 1991 jyly 9 aqpanda Resei Federatsiiasy, Týva Respýblikasynyń Chadan qalasynda dúniege kelgen. Qazir Aqtóbe oblysynyń atynan 57 kilogramda óner kórsetetin sportshynyń úzdik nátijeleri: Aziia chempionatynyń qola júldegeri (2017), Aziia chempiony (2018), Álem chempionatynyń kúmis júldegeri (2018), Álem chempionatynyń qola júldegeri (2019).
2. Dáýlet Niiazbekov 1989 jyly 12 aqpanda Qyzylorda oblysy Jańaqorǵan aýdanynda dúniege kelgen. 65 kilogramm salmaqta beldesetin sportshynyń úzdik nátijeleri: Álem chempionatynyń qola júldegeri (2011), eki dúrkin Aziia chempionatynyń qola júldegeri (2017, 2019), Álem chempionatynyń kúmis júldegeri (2019).
3. Daniiar Qaisanov 1993 jyly 18 shildede Shyǵys Qazaqstan oblysynda dúniege kelgen. 74 kilogramm salmaqta kúsh synasatyn sportshynyń úzdik nátijeleri: Aziia oiyndarynyń kúmis júldegeri (2018), eki dúrkin Aziia chempiony (2019, 2020), Álem chempionatynyń qola júldegeri (2019)
4. Álisher Erǵali 1999 jyly 12 sáýirde Jambyl oblysynda dúniege kelgen. 97 kilogramm salmaqta el namysyn qorǵaityn balýannyń úzdik nátijeleri: Aziia chempionatynyń qola júldegeri (2019, 2020), 2019 jyly ótken Álem chempionatynda 5-shi orynǵa turaqtaǵan.
5. Valentina Islamova 1992 jyly 18 naýryzda dúniege kelgen. 2018 jyly Qazaqstan azamattyǵyn alǵan, 50 kilogramǵa deiingi salmaqta baq synaityn sportshynyń úzdik nátijeleri: Aziia chempionatynyń qol júldegeri (2019, 2020), Álem chempionatynyń qol júldegeri (2019).
6.Elmira Syzdyqova 1992 jyly 5 aqpanda Qaraǵandy oblysynda dúniege kelgen. 76 kilogramǵa deiingi salmaqta beldesetin sportshynyń úzdik nátijeleri: Aziia chempionatynyń qola júldegeri (2014, 2018, 2020), Aziia chempionatynyń kúmis júldegeri (2015, 2016), Olimpiada (2016) men Aziia oiyndarynyń (2018) qola júldegeri.
Grek-rim kúresinen 2019 jyly ótken Álem chempionatynyń qorytyndysy boiynsha olimpiia oiyndaryna joldama alǵan sportshylar:
1.Meirambek Ainaǵulov 1994 jyly 17 aqpanda Aqtóbe oblysynda dúniege kelgen. 60 kilogramda kúsh synasatyn atlettiń úzdik nátijeleri: Aziia chempionatynyń qola júldegeri (2016, 2018), Álem chempionatynyń kúmis júldegeri (2017), Aziia chempiony (2018), Aziia oiyndarynyń qola júldegeri (2018), Álem chempionatynyń qola júldegeri (2019).
2. Ashat Dilmuhamedov 1986 jyly 26 shildede Almaty oblysynda dúniege kelgen. 77 kilogramda óner kórsetedi. Úzdik nátijeler: Aziia chempionatynyń qola júldegeri (2011, 2016), Aziia chempiony (2018). Sonymen qatar 2019 jyly ótken Álem chempionatynda 5-shi oryn alǵan.
