Qazaqstannan Tokio Olimpiadasyna qatysatyn tennisshiler anyqtaldy, dep habarlaidy "Ult aqparat".
Qazaqstan tennis federatsiiasy málim etkenindei, dúniejúzilik reitingke sáikes Tokioda el namysyn erler arasynda Aleksandr Býblik, áielderden Elena Rybakina, Iýliia Pýtintseva jáne Iaroslava Shvedova qorǵaidy.
Shvedova úshin bul úshinshi Olimpiada bolmaq.
Irikteý tártibine sáikes jekelei synda olimpiadalyq oiyndarǵa ár elden erler men áielderden tórt úzdik tennisshiden qatysa alady. Ol úshin oiynshy ATP jáne WTA reitingilerine 2021 jylǵy 14 maýsymdaǵy málimet boiynsha úzdik 56 tennisshiniń qataryna kirýi kerek jáne Devis kýbogy men Federatsiia kýbogynda sol eldiń atynan óner kórsetken bolýy tiis.
Eske sala keteiik, budan buryn Elena Rybakinanyń álemdik reitingide 21-orynǵa kóterilgenin, Andrei Golýbevtiń juptyq reitingide álemdegi úzdik 40 tennisshiniń qataryna engenin jazǵan bolatynbyz.
