Grek-rim kúresinen Olimpiada chempiony Iýrii Melnichenko jeke qundy zattaryn Ulttyq mýzei qoryna saltanatty túrde tapsyrdy, dep habarlaidy "Ult aqparat".
Olimpiada chempiony murajai qoryna VII Qysqy Aziia oiyndary Alaý estafetasy alaýgeriniń sertifikatyn, Alaý tuǵyryn jáne arnaiy altyn medalin syiǵa tartty.
«Qazaqstannyń eńbek sińirgen jattyqtyrýshysy Iýrii Vasilevich Melnichenkonyń jeke zattaryn mýzei qoryna qabyldaý arqyly biz bolashaq jastarǵa salaýatty ómir saltyn qalyptastyrý jáne buqaralyq sportty damytýdy nasihattaimyz. Táýelsizdiktiń tuǵyryn biik ustaǵan 30 jyl ishinde Qazaqstan kóptegen jetistikterge jetti. Sportshylarymyz halyqaralyq iri dodalarda top jaryp, el mereiin asyryp keledi. Qazaqstandyq sportshylardyń jeńisteri elimizdiń halyqaralyq arenadaǵy imidjin qalyptastyrýǵa septigin tigizedi» - deidi QR Ulttyq mýzei direktory Arystanbek Muhamediuly. Ol sportshyǵa alǵys hat tabystady.
Is-sharaǵa Sport jáne dene shynyqtyrý isteri komitetiniń tóraǵasy Serik Sapiev, «Sportty damytý direktsiiasy» direktorynyń orynbasary Erkeǵali Kórbozov, «Sportty damytý direktsiiasynyń» sporttyq sharalardy ótkizý jáne uiymdastyrý bóliminiń jetekshisi Vladislav Esipov, Kúshtik sport túrleri boiynsha tórt dúrkin álem rekordshysy, tanymal palýan Sergei Tsyrýlnikov qatysty.
Jiyn barysynda Olimpiada chempiony sport mektebi oqýshylarynyń suraqtaryna jaýap bere otyryp, bolashaq chempiondarǵa jeńiske jetý jolynda aiańbai eńbek etý kerek ekenin jetkizdi. Kezdesý sońynda qatysýshylar estelik sýretke túsip, tanymal sportshynyń qoltańbasyn aldy.
Eske sala ketsek, Melnichenko Iýrii Vasilevich - Qazaqstannyń 7 dúrkin chempiony, Aziianyń 2 dúrkin chempiony (1996, 1997), Aziia oiyndarynyń chempiony (Hirosima, 1994), 57 kelige deiingi salmaq dárejesinde XXVI Olimpiada oiyndarynyń chempiony (Atlanta, 1996), Álem chempiony (1994, 1997), Grek-rim kúresinen QR Eńbek sińirgen sport sheberi (1994).
1996 jyly Qazaqstan Respýblikasy Prezidentiniń Jarlyǵymen «Parasat» ordenimen marapattaldy. 2004 jyly «Qazaqstannyń eńbek sińirgen qairatkeri» qurmetti ataǵyn aldy.
