- Rio Olimpiadasynyń chempiony Daniiar Eleýsinov ózi oqyǵan №54 mektepke baryp, dene shynyqtyrý sabaǵyn ótkizdi. Chempionmen qatar, mektep oqýshylaryna «Astana» prezidenttiń klýbynyń sport menedjeri Iýrii Melnichenko men «World class» fitnes klýbynyń ustazdary sabaq berdi. Bul týraly QazAqparat agenttigi jazady.
Sabaq júrgizý kestesine sai, sportshylar aldymen dene shynyqtyratyn jattyǵýlardy, sondai-aq, fitnestegi sońǵy jattyǵýlardy kórsetip shyqty. Olimpiada chempiony Daniiar Eleýsinov sport adam densaýlyǵyna qajetti faktorlardyń birden biri ekenin kórsetti, dep habarlaidy «Astana» prezidenttik klýbynyń baspasóz qyzmeti.
«Dene shynyqtyrý páninde balalardyń denesin shynyqtyratyn jattyǵýlarǵa kóp kóńil bólgen jón. Biz búgingi sabaǵymyzdyń basynda jáne sabaqtyń sońyna qarai dene shynyqtyratyn jattyǵýlardy úirettik. Ol jattyǵýlardyń birazyn men kúndelikti jatyǵýlarymnyń arasynan qosqamyn. Jalpy, dene shynyqtyrý balalardyń bilimin damytyp, densaýlyǵyn nyǵaitý úshin eń kerek pánderdiń biri. «Dene shynyqtyrý» jobasynyń arqasynda balalar sportqa bas buryp, deni saý ult tárbieleimiz degen oidamyn. Shynyn aitsam, bir top balamen jumys istegennen góri, jeke-jeke daiyndaǵan unaidy. Biraq, mine, búgin sabaq júrgize otyryp, muǵalimderdiń qadirin, jumystarynyń ońai emestigin túsindik»,-dedi D.Eleýsinov.
Prezidenttik klýbtyń menedjeri Iýrii Melnichenko mektep oqýshylary sportqa myqtap kirisse, bolashaqta Daniiar Eleýsinov siiaqty chempion bolatyndaryna senim bildirdi.
Aita keteiik, «Dene shynyqtyrý» jobasy - «Samruk-Kazyna Trust» áleýmettik jobalardy damytý qorynyń qoldaýymen bastalǵan joba jáne balalar men jasóspirimderdi dene shynyqtyrý men sportqa shaqyratyn bastama.
